Ватан хоинининг исми

Ватан хоинининг исми
25 views
10 October 2013 - 14:00

karimov4Ассалому алайкум. Ман бу саволни Муҳаммад Солиҳ жаноби олийларига бермоқчи эдим.

Мен учун ҳурматли ва азиз инсон бўлган Муҳаммад Солиҳ жаноблари, мен Ўзбекистон фуқаросиман (исмимни ёзишни жоиз кўрмадим ҳозирча) ёшим 27 да, ман сизни инсон, сиёсатчи, шоир,   ватанпарвар, ҳақиқий мухолифатчи сифатида жуда ва жуда қаттиқ ҳурмат қиламан. Мактабда ўқиб юрган кезларимда сизни менга, яъни барча ўқувчиларга, “ватан ҳоини, ҳалқ душмани” деб қулоғимизга қуйиб келишган.

Бир куни тарих фани ўқитувчимиз дарс охирида биз ўқувчиларга ватан ҳоинларини исмларини ёдлаб келишимизни тайинлади ва чиқиб кетди. Кейинги дарсга синфга кирар-кирмас мени доскага чиқишимни сўради. Кейин “ватан ҳоинларини исмларини айтиб бер” деди, мен ўқтувчимга уларни исмларини билмаслигимни айтдим ва бош-юз қисмимга бир неча кучли зарбаларни ҳис қилдим… Ўзимга келганимда раҳматли дадам тепамда турардилар, олдиларида мактаб директори, тариҳ ўқитувчиси, участка нозири зир-зир титраб туришарди, раҳматли дадам мендан нима бўлиб ўтганини сўрадилар, мен ҳам бор гапни айтдим.

Кейин дадам мактаб директорини ва тариҳ ўқитувчисини уриб ташладилар, участка нозири зўрға ажратиб олди. Мени уйга олиб кетдилар, ҳеч қаерга шикоят қилмадик, уйга келгач дадамдан сўрадим: “Дада, ҳалқ душманлари кимлар?” деб, шу пайт теливезорда кўрсатиб, олқишланиб турган ЗОЛИМ, ЖОҲИЛ, ФИРЪАВН (мен уни фиръавн деб атайман) КАРИМОВни кўрсатиб, “мана ҳалқ душмани” дедилар.

Мен ҳайрон бўлиб теливизорга қарардим. Ўшанда сиз ҳақингизда, сизни Ўзбекистон мустақил бўлишидан олдин ва кейин ҳалқ учун нималар қилганингизни айтиб бердилар. Ўшанда 9-синфда ўқирдим (ҳаммасини ёзишга сабрим етмади)

Энди саволга келсак. Биз сизни қачон Ўзбекистонга келганингизни кўрамиз? Қачон парламентда нутқ сўзлаб турганингизга гувоҳ бўламиз? Қачон бу золим қотил фиръавннинг жиноятларини кирдикорларини фош қилганингизни кўрамиз, бу бечора ҳалқимизни ботқоқликдан олиб чиққанингизни кўрамиз? Қачон ҚАРДОШЛАРИМИЗ билан ярашганимизни кўрамиз (турк жумҳуриятларини назарда тутяпман) ёки буларни кўра олмай бу дунёдан мен ҳам, Дадамдек армонда ўтиб кетаманми?

Жавобиз учун олдиндан катта раҳмат. Тез кунда ўз исмим билан ёзаман, ҳурмат ила

Муҳолифатчининг ўғли

(ЎХҲ сайтига келган изоҳ)