Доғистонлик ҳижобли талаба қиз маҳкамада ютиб чиқди

Доғистонлик ҳижобли талаба қиз маҳкамада ютиб чиқди
73 views
19 October 2013 - 16:36
getImage (9)

Ўзбекистонда 2010 йилдан бошлаб ўқувчи қизларга рўмол ўраш мутлоқо таъқиқланган.

Оммавий ахборот воситаларида ҳозирча исми ошкор қилинмаётган Кросноярск Давлат медицина унверситети толибаси ҳижоби учун олийгоҳдан қувилганидан кейин ҳақ-ҳуқуқларини ҳимоялашни сўраб маҳкамага мурожаат қилди.

Диний баҳсларни келтириб чиқарган ишни кўриб чиққан Кросноярск маҳкамаси доғистонлик қиз фойдасига медицина унверситетидан маънавий зарар ҳисобига 5 минг (150 АҚШ доллари. Таҳр,.) Россия рубли товон ундирди.

Айтилишича, асли доғистонлик қиз шу йилнинг баҳорида диний либоси учун дарсларга критилмаган. Олийгоҳ талабларини бажаришдан бош тортган ҳижобли қиз ўқишдан мосуво бўлган.

Ўз ақидасида уствор муслима қиз билан Кросноярск тиб унверситети орасидаги баҳсларни бевосита кузатиб борган маҳаллий журналистлар ва  шаҳар прокуратураси вакиллари олийгоҳ масъулларига ҳижобни таъқиқлашга оид қабул қилган қарори Федерал қонунларга зид эканини уқтирган.

Ниҳоят медицина унверситети “дарсларга диний либосларда иштирок этишни таъқиқлаш тўғрисида” ги қарорини бекор қилди.

Шунингдек, “учинчи курс студентини унверситетдан ҳайдаш тўғрисида”ги қарор ҳам бекор қилиниб, талаба қиз курсдошлари ёнига қайтди.

Ҳижобли қизларни олийгоҳдан ҳайдаш масаласи шу кунларда минтақа айрим давлатлари, жумладан аҳолисининг катта қисми мусулмон бўлган Ўзбекистонда ҳам долзарб бўлиб қолмоқда.

Бироқ, дейди мустақил кузатувлар, ҳижоби учун олийгоҳдан ҳайдалган ўзбекистонлик талаба қизларга маънавий зарар учун товон ундириш ва  ўқишга қайтариш ҳолатлари ҳали бирор марта қайдга олинмаган.

 ЎХҲ хабар маркази.