“Сўз эркинлиги” мухбири оламдан ўтди

“Сўз эркинлиги” мухбири оламдан ўтди
25 views
19 October 2013 - 16:45
photo_105269

Игорь Ларра

Қозоғистонда нашрдан чиқадиган “Свобода слова” газетаснинг номаълум кишилар ҳужумига учраган махсус мухбири Игорь Ларра 41 ёшида вафот этди.

“Биржевой лидер” ахборот агентлигининг ёзишича, шу йилнинг август ойида ҳужумга учраб оғир жарроҳлик амалиётидан ўтган журналист Игорь Ларра шаҳар касалхоналарининг бирида кўз юмган.

Шу йилнинг август ойи кечки соат 11 да дўстининг уйидан чиққан Игорь Ларра уйига қайтиш учун олдиндан чақирилган таксига ўтиришга улгурмади. Ларранинг йўлини тўсган тўрт нафар номаълум одам уни монтировка билан уриб ерга йиқитган ва тепкилай бошлаган. Улар қонга беланиб, ҳушидан кетган журналистни ечинтириб, иккита қўл телефонини ҳам ўмариб, кўздан ғойиб бўлган.

Касбдошларига интервьюларида журналист Ларра бу ҳужум ўз касбий фаолияти билан боғлиқлигини айтган.

Игорь Ларра ўзига ҳужум қилганлар “милиция буйруғига биноан” амал қилгани сабабли жиноятчиларни қидириш ва тутиш жараёни пайсалга солинаётганини айтган эди.

Ўз тахминларини журналист Ларра Ақтўбе шаҳар бошлиғи Архимед Мухамбетовга нисбатан танқидий мақолалари билан боғлаган эди.

ЎХҲ хабар маркази.