ЎХҲ фаолига яна ҳужум уюштирилди

ЎХҲ фаолига яна ҳужум уюштирилди
43 views
16 November 2013 - 7:11

ЎХҲ хабар марказининг билдиришича, МХҲ “режаси” асосида 2013 йилнинг 13 ноябрь куни соат 14.00 да Тошкент шаҳрининг Чилонзор тумани, “Боғистон” маҳалласида яшовчи 5-7 киши «тўда бошлиғи» Темур, Ботир ва рус миллатига мансуб шахслар ЎХҲ фаоли Фахриддин Тиллаевнинг ўғли Одилбек Ҳабибуллаевга ҳужум қилдилар. Натижада Одилбекнинг юз-кўзларида кўкариш ҳолатлари юз берган. Юзи моматалоқ бўлиб, қўл-оёқлари шикастланган.
Қизиғи шундаки, Одилбекнинг бўйнига совуқ қурол, пичоқ тираган фуқаролар унга, “талаб” қўйишган. Бу талабга кўра эса, “Отангга айт, судга берган аризасини қайтариб олсин. Агар қайтариб олмаса, отангни ўлдириб, ичак-чавоғини бошига салла қилиб ўраймиз…” “Ну, колхозники, убирайтесь отсюда! Ташкент наш город. Здесь Вам ничего нету…” дея ҳақорат қилган…
Ҳозирги кунда Хабибуллаев Одилбек, шифокорлар кўригидан ўтқазилмоқда. Экспертларнинг хулосаси асосида, “жиноий иш” очиш кутилмоқда. Ушбу “жиноий иш”ни очиш юзасидан, Чилонзор тумани ИИБга қарашли, 379-сонли участка нозири Илҳомжон Останоқуловнинг “тавсия”си экспертизага берилган.
Шу ўринда сизларга бир нарсани эслатиб ўтмоқчимиз, маълумингизким, ЎХҲнинг фаол аъзоси Фахриддин Тиллаевга нисбатан, 2013 йилнинг 23 август куни рус миллатига мансуб шаҳслар, Юлия ва Костя Либковалар иштирокида фитна уюштирилган эди. Ўша фитна орқасидан Фахриддин Тиллаев, 15(сутка) қамоқ жазосини ўтаб чиққан эди. Фахриддин Тиллаев Чилонзор тумани суди ва прокуратура органларига мурожаат қилган.