Ўзбекистонда газ таъминот идоралари маошларни кредитга ола бошладилар

Ўзбекистонда газ таъминот идоралари маошларни кредитга ола бошладилар
16 views
08 January 2014 - 19:35

2014 йил январь ойидан бошлаб Ўзбекистондаги газтаъминот идоралари ишчи-ходимларга тўланадиган ойлик маошларни банклардан олинган кредитлар ҳисобидан тўлашни бошладилар. Бунинг сабаби шунда-ки, мамлакат аҳолисига (ички бозорга) газ етказиб бериш ва сотиш кўрсаткичлари ҳукуматнинг топшириғига кўра кескин камайиб кетганлигидан, газтаъминот идораларининг пул тушумлари ҳам кескин камайган. Натижада ўтган йил оҳирида туманлардаги газтаъминот корхоналарининг ишчи-ходимларига ойлик топиб бериш жиддий муаммога айланган.

Бу масалани оддий бозор механизмлари асосида, масалан, аҳолига газ сотишни қайтадан тиклаш орқали ҳам ечса бўларди. Лекин Ўзбекистон газини Россия ва Хитойга сувтекинга сотиб, мамлакат бюджетига ва ўзларининг шахсий ҳамда оилавий ҳисоб рақамларига валюта тушуришни афзал билан президент Ислом Каримова ва Бош вазир Шавкат Мирзиёевлар мазкур муаммони банклардан олинадиган кредитлар эвазига бартараф қилишни маъқул кўришди. Уларнинг махсус топшириқларига асосан Ўзбекистонда қонунан таъқиқланган банк операцияси – маошлар учун кредит ажратиш ишлари йўлга қўйилди.

ЎХҲ ахборот бўлими