Николай Бордюжа: ҳозирча Ўзбекистон КХШТда қолади

КХШТнинг Бош котиби Николай Бордюжа “Взгляд” газетасига билдиришича, Ўзбекистонни КХШТдан чиқариб ташлашга бирон-бир сабаб кўринмаяпти. Сал олдин Россия матбуотида Ўзбекистонни чиқариб ташлаш ҳақида хабар пайдо бўлган эди.

Николай Бордюжа: ҳозирча Ўзбекистон КХШТда қолади
97 views
08 September 2011 - 9:52

КХШТнинг Бош котиби Николай Бордюжа “Взгляд” газетасига билдиришича, Ўзбекистонни КХШТдан чиқариб ташлашга бирон-бир сабаб кўринмаяпти. Сал олдин Россия матбуотида Ўзбекистонни чиқариб ташлаш ҳақида хабар пайдо бўлган эди.

Ярославлдаги форумдан олдин рус матбуотида Дмитрий Медведовнинг у ердаги нутқи ташқи сиёсатга, хусусан КХШТга бағишланиши маълум қилинди. “Коммерсантъ” газетасининг маълум қилишича эса, Медведов КХШТ самаралироқ ҳарбий иттифоқ тузиш ҳисобига Ўзбекистондак аъзосидан воз кечишга тайёрлиги ҳақида эълон қилмоқчи эди.

Эслатиб ўтамиз, Тошкент сўнгги йилларда КХШТнинг бошқа аъзолари таклиф қилган кўплаб асосий масалаларни ё ортга сурди, ё уларга қаршилик қилди. Масалан, КХШТ армиясининг алоҳида аъзо мамлакатлари ички ишларига аралашиши мумкинлиги ҳақидаги масалага қарши бўлди. Ўзбекистон президенти Ислом Каримов ошкорасига КХШТнинг сўнгги саммитларига бормай қўйяпти.

Бироқ КХШТ Бош котиб Николай Бордюжа Ўзбекистондан ажрашишга ҳеч қандай асос кўрмаётганини билдирди.
“Ўзбекистон КХШТда ишламоқда. Унинг кўпгина масалаларда ўзига хос қарашлари мавжуд. Шунга қарамай, ўзбек вакиллари биз ишлаб чиқараётган ҳужжатлар бўйича ишламоқдалар, ўз фикрларини айтмоқдалар ва таҳлилий баҳоларини бермоқдалар. Шу сабабли, мен ҳозирча “балким ёки мумкин эмас”, деб гапирмаган бўлардим, – деди Бордюжа, – Ўзбекистон – Марказий Осиё майдонида асосий давлат ва унинг иштирокисиз у ерда Коллектив хавфсизликнинг самарали системасини яратиш анча мушкил эканлиги яна бир масала. Биз шулардан хулоса олмоқдамиз.”

Ўткир Расул

ААТ Матбуот Бўлими