Самарқандда спорт комплекслари тушдан кейин умуман ишламайди

Самарқандда спорт комплекслари тушдан кейин умуман ишламайди
20 views
01 March 2014 - 10:29

dabdacd38480a1a65b34f6bbf8914b02-e1362128182205“Зарафшон” нашрининг таъкидлашича, Самарқанддаги спорт клубларида куннинг иккинчи ярмида спорт клубларида қоровуллардан бошқа ҳеч ким бўлмайди. Маҳалла ёшлари ўйингоҳга борганда директорнинг рухсати керак, деб киритилмайди.

Ҳусниддин Холдоров ўз мақоласида таъкидлашича, Самарқанднинг Иштихон туманида спорт мажмуаларининг фаолияти бўйича изланишлар олиб борган. Туманда 93 та мактаб, 10 та касб ҳунар коллежи фаолият кўрсатади. Маълум бўлишича, умумтаълим мактабларининг 45 тасида спорт заллари мавжуд эмас. Аммо болалар спортини ривожлантириш жамғармаси томонидан 14 та мактабга замонавий спорт заллари қуриб берилган, дейди муаллиф.

Муаллиф Болалар спортини ривожлантириш жамғармаси туман вакили Абдусаттор Исоқов билан 2-болалар ва ўсмирлар спорт мактабидаги шароитни ўрганганда бир неча муаммолар мавжудлигини аниқлаган. Мактабда соат 14: 00 да бадиий гимнастика бўйича машғулотлар бошланиши керак экан.

— Бир амаллаб машғулотлар ўтяпмиз, — дейди мураббий Садоқат Йўлдошева. — Машғулотларимизда 44 нафар ўқувчи қиз иштирок этади. Об-ҳавонинг совиб кетиши, залимизда иссиқлик тизими ишламаганлиги сабабли ҳозир 20 нафар спортчи бадиий гимнастика бўйича машғулотларда қатнашяпти.

Бироқ мактабнинг илмий бўлим мудири Орзу Жумайев бу борада бутунлай бошқача фикр билдирган:

Ҳамма шароитлар йетарли. Боиси мактабимиз 2012-йилда болалар спортини ривожлантириш жамғармаси маблағлари ҳисобидан бунёд этилган. Ўқувчиларимиз бу йерда бадиий гимнастика, баскетбол, катта теннис, футбол билан шуғулланиш имкониятига эга.

Муаллиф бошқа ўқув масканларида ҳам суриштирув олиб борганини ёзади:

Шу куни соат 16: 20 да Баҳрин қишлоқ хўжалик касб ҳунар коллежига бордик. Коллеж спорт залига қулф осилган. Муассасада қоровулдан бошқа ҳеч ким йўқ. Қоровулдан спорт залини очишини сўрадик. Ундан “менда калит йўқ” деган жавобни олдик, холос. Чундан сўнг Баҳрин маҳалласида бўлдик. Маҳаллада ҳам шу аҳвол. Ҳеч ким йўқ. Бир амаллаб котибни топиб олдик. Котибдан маҳаллада неча нафар ёш борлиги, улар бандлигини таъминлаш, бўш вақтларини мазмунли ўтказиши учун коллеж билан ҳамкорлик йўлга қўйилганми деган саволларимизга мужмал жавоб олдик.

Шунингдек, мақола муаллифи Митан қўрғонидаги иқтисодиёт коллежида бўлганида, у йерда спорт зали мавжуд эмаслиги, ўқувчилар коллеж ёнидаги 1-сон болалар ва ўсмирлар спорт мактабининг ўйингоҳидан фойдаланишини аниқлаган.

Ачинарлиси, шу куни коллежда ҳам, спорт мактабида ҳам биронта ўқувчини учратмадик — деб ёзади муаллиф.

ЎХҲ ахборот бўлими