Тошкентда иссиқ сув тарифлари 11,7 фоизга қимматлашади

Тошкентда иссиқ сув тарифлари 11,7 фоизга қимматлашади
37 views
14 March 2014 - 10:17

13784523121Тошкент аҳолиси ва ташкилотлари учун марказлашган иситиш ва иссиқ сув таъминоти тарифлари 1 апрелдан бошлаб 11,7 фоизга қимматлашади. Бу ҳақда «Газета.uz» хабар бермоқда.

«Тошиссиққувват» корхонасининг «Тошкент оқшоми» газетасида чоп этилган хабарига кўра, тарифларнинг ўсиши энергия манбалари ва материалларнинг қимматлашуви билан боғлиқ.

Тошкент шаҳри аҳолиси учун бир ойлик марказий иситиш тарифи 1 октябрда ҳозирги 705,42 сўмдан 787,95 сўмга қимматлашади.

Иссиқ сув таъминоти учун янги тариф, агар ҳисоблагич бўлмаса, киши бошига 9 минг 860 сўм 67 тийин (ҳозир – 8 минг 827 сўм 81 тийин), агар ҳисоблагич бўлса – ҳар бир кубометр учун 2 минг 524 сўм 99 тийин (ҳозир – 2 минг 260 сўм 51 тийин) этиб белгиланган.

Ювиниш хонаси умумий бўлган ётоқхоналар учун янги тариф киши боши учун ҳозирги 6 минг 567,04 сўмдан ойига 7 минг 335,38 сўмгача оширилади.

Корхона ва ташкилотларга иссиқлик энергияси учун улгуржи тариф ҳар Гкал учун ҚҚСсиз 44 минг 298 сўм (ҳозир – 39 минг 658 сўм) ва ҚҚС билан 53 минг 157,6 сўм (ҳозир – 47 минг 589,6 сўм) этиб белгиланган.

Аввалроқ, 1 апрелдан эътиборан Тошкент аҳолиси учун совуқ сув тарифлари ошиши ҳақида хабар берилган эди. Иссиқ сув тарифлари эса Тошкентда охирги марта 2013 йил октябрида, 6,4 фоизга оширилганди.

kun.uz