Туркманистон: Резервчиларни Афғонистон чегарасига сафарбар қилишяпти

Туркманистон: Резервчиларни Афғонистон чегарасига сафарбар қилишяпти
15 views
18 March 2014 - 15:30

Туркманистонда ҳарбий хизмат ёшидаги фуқароларни “ҳарбий тайёргарликдан” қайта ўтиш учун комиссариатларга чақириб Афғонистон чегарасига жўнатишмоқда, дея хабар беради Альтернативные новости Туркменистана.

Мисол учун, сўнгги бир неча ҳафта давомида ўнлаб одамлар мамлакат жанубидаги Сархетабад шаҳрига (шўролар даврида бу шаҳар Кушка деб аталган) жўнатилган. Резервчиларни алоҳида казармаларга жойлаштиряптилар, уларга ҳудди муддатли хизмат аскарларига каби шаҳарга чиқишларига рухсатномалар берилмаяпти. Ҳарбий интизом устидан назорат кучайтирилган. Аммо шунга қарамай, умумий сафарбарлик тўғрисида қарор қабул қилингани йўқ.

“Альтернативные новости Туркменистана” нашри тахмин қилишича, Афғонистон чегарасида февраль ойида содир бўлган отишма давомида номаълум жанггарилар томонидан бир неча туркман чегарачилари ўлдирилгани боис Сархетабадга қўшимча кучлар жўнатилмоқда. Афғонистоннинг чегараолди ҳудудида истиқомат қилувчи туркманларнинг айтишича, жанггарилар олдинроқ чегарачилар билан отишмада ҳалок бўлган шериги учун ўч олдилар.

Альтернативные новости Туркменистана нашрининг Туркманистон ҳуқуқни муҳофаза қилиш органларидаги манбалари таъкидлашича, отишма давомида яна икки нафар туркман чегарачиси яраланган эди. Ҳозир улар госпиталдан тузалиб чиқдилар. Бундан ташқари, тасдиқланмаган маълумотларга кўра, жанггарилар уч нафар туркман чегарачисини асирга олишган.

Айни пайтда Афғонистон томонидан чегарани 120 кишидан иборат афғон туркманларининг Калашников автоматлари ва гранатаметлар билан қуролланган отрядлари қўриқлаяптилар. Туркман отрядларининг етакчиси Гурбандурдунинг айтишича, улар на афғон ҳукуматидан ва на Туркманистон ҳукуматидан ёрдам олаётганлари йўқ.

“Фарғона” халқаро ахборот агентлиги