Қабохат (3)

Қабохат (3)
52 views
02 April 2014 - 8:22

Фуқаролик ишлари бўйича Тошкент шаҳар Шайхонтохур туманлараро суди судьяси Д.Мавлянова раислигида фуқаро А.Содиқовнинг 24-Меҳрибонлик уйининг маъмурияти томонидан ноқонуний ишдан бўшатилганлиги юзасидан киритган даъво аризасини, тарафлар иштирокида кўриб чиқиш жараёни ўз якунига етиб бормоқда. Шу йилнинг 3 апрель кунида тарафларнинг мунозараси бўлиб ўтади. Юқорида зикр этилаётган суд жараёнида ўзбекистон ичкарисидаги одамлар томонидан мисли кўрилмаган қизиқиш ва куйиниш билдирилмоқда. Айниқса, 24-Меҳрибонлик уйининг мард ва жонкуяр ҳодимлари томонидан фош этилаётган чидаб бўлмас ахлоқсизлик Тошкент шаҳар аҳолисини нафратига сабаб бўлмоқда. Қабоҳатдан мактуб мақоласини ўқиган киши 24-меҳрибонлик уйининг раҳбари Б.Қўчқоров, “махфий ишлар”-сардори қаровул Р.Оқилхўжаев, қорани-оқ, оқни-қора қилувчи бухгалтер Т.Рўзиқулов ва уларнинг туман ҳокимиятидаги хамтовоқлари фаолиятини тўхтата олмаган Ўзбекистон ҳукуматини раҳбарларига қарата “Сизлар аҳмоқсизлар!” дегиси келади. Чунки юқорида зикр этилган шахслар давлат раҳбари И.Каримовни, давлат аёнларини, текширувчиларни ўз бармоқлари атрофида хоҳлаганларича айлантириб, ахлоқсиз ҳаёт кечирмоқдалар.

А.Содиқов ва уни қўллаб-қувватлаётган одамларни 24-Меҳрибонлик уйидаги ахлоқсизлик ва виждонсизликни фош қилаётган фидойи инсонларнинг қалб нидосини эшитадиган одамлар Ўзбекистон ҳукуматида топилмаяпди. Давлат раҳбарини, ҳукумат аъзоларини ўзбекона ахлоқ қоидаларига риоя қилмаётганлигини, юқоридаги қабоҳатни нафақат 24-Меҳрибонлик уйида, балки бутун Ўзбекистон жамиятида гуллаб-яшнашига олиб келди.

Солиқ тўламасдан, солиқлардан қочиш ва солиқ имтиёзларидан қабиҳона ниятларда фойдаланувчи шахслар 24-Меҳрибонлик уйи устидан, болаларнинг ҳолатидан ўз ғаразли ишларида фойдалаётганлиги эҳтимоли жуда катталигини А.Содиқов бераётган огохи тасдиқлаб турибди. Лекин Ўзбекистон ҳукумати бу огоҳларга (сигналларга) эътибор бермаяпди. Бу ҳатти-ҳаракатлари орқали ҳукуматни ахлоқсизлар тарафини олаётганлиги шубҳасиздир.

Ўзбеклар ҳар ким не ишни қилса, ўзига қайтар дейдилар.

Ёмонга қараб шукр қил, яхшига қараб фикр қил, дейди ўзбек донолари.

Бугунги кунда давлат раҳбари И.Каримов ўзбекларга нима қилган бўлса, барчаси қизи Гулнорадан қайтмоқда. Жигаргўшаси Гулнора Президент И.Каримов учун “ҳаётнинг” жазоси эканлигини элу юрт кўриб турибди.

Мен замонамиз қаҳрамони А.Содиқов ва унинг тарафдорларига суд муҳокамасида яна бир бор ғалаба тилайман.

Азамат  Худайқулов