Ўзбек болaларига шўрва тарқатиш учун АҚШдан ёрдам олинади

Ўзбек болaларига шўрва тарқатиш учун АҚШдан ёрдам олинади
60 views
02 April 2014 - 13:49

uxAKof13964215619945_bАҚШ ҳукуматининг халқаро ривожланиш бўйича агентлиги (USAID) орқали, Ўзбекистондаги ногирон болалар, сил-диспансерлари ва бошқа беморларнинг овқатланишини яна-да яхшилашга йўналтирилган дастурни амалга оширади. Бу ҳақда АҚШнинг Ўзбекистондаги элчихонаси матбуот хизмати хабар қилди.

Дастур тақдимотига Ўзбекистоннинг бир қатор вазирликлари вакиллари келтирилган: Ташқи ишлар, Меҳнат ва аҳолини ижтимоий муҳофаза қилиш, Халқ таълими вазирликларидан, Соғлиқни сақлаш вазири ўринбосари Асилбек Худоёров, “Соғлом авлод учун” халқаро хайрия жамғармаси раиси Светлана Иномова, АҚШнинг Ўзбекистондаги элчиси Жорж Крол, Американинг Resource and Policy Exchange Inc. ноҳукумат ташкилоти ходимлари ва б.

Элчихона пресс-релизида айтилишича, дастур 2014 йилнинг ноябр ойига қадар давом этади. Лойиҳа доирасида 20 минг кишига 112 тоннадан ортиқ озиқ-овқат маҳсулотлари етказиб берилади.

Дастлабки озиқ-овқат партияси бутун Ўзбекистон бўйлаб 107 муассаса беморларига, хусусан, “Мурувват” ва “Саховат” уйлари, шунингдек, ихтисослаштирилган тиббиёт муассасаларига тақсимланади.

Ушбу озиқ-овқатларнинг умумий қиймати 311,8 минг долларни ташкил этади. Гуманитар юк таркибида минерал ва витаминлар билан тўйинтирилган, сувсизлантирилган сабзавотлардан тайёрланган шўрвалар бўлади.

Гуманитар ёрдамни етказиб бериш билан “Соғлом авлод учун” хайрия жамғармаси шуғулланади ва юкларнинг тақсимланиши назорат қилади.

Эслатиб ўтамиз, USAID 1993 йилдан буён Каримов ҳукуматига 330 миллион доллардан ортиқ ёрдам кўрсатган.

ЎХҲ хабар маркази