Россияга Қиримнинг дам олиш маскани сифатида кераги йўқ

Россияга Қиримнинг дам олиш маскани сифатида кераги йўқ
22 views
25 April 2014 - 10:58

qrim-sezon-2014Россия Қиримликларга берган ваъдасини бажара олмайди. Чунки ваъдада айтилганидек бу йил ёзги дам олиш мавсумида саккиз миллион сайёҳнинг Қиримга келиши учун ҳеч қандай шароит ва имкон йўқ. Бунга эса сабаблар талайгина.

Одатда ёзда дам олувчилар ўз шахсий машиналарида Қиримга келардилар, машина билан келиш учун эса бу йил йўл йўқ.

Учоқ билан учиш ва Қиримда оилавий равишда таксида юришни эса ҳар қандай сайёҳнинг ҳам чўнтагига оғирлик қилади.

Паром орқали машиналар билан дам олувчи сайёҳларни Қиримга етказиш ҳам унчалик маъқул йўл эмас. Чунки, коррупция ботқоғига ботган Россияда нафақат соатлаб, балки ҳафталаб паромда навбатда кутиб қолиш эҳтимоли бор. Бор йўғи бир ойлик меҳнат таътилини муамоллар билан ўтказишни ҳеч ким истамайди.

Масаланинг иккинчи томони, яъни руслар ўзлари оккупация қилган ердаги аҳолига паст назар билан қарашлари бу олдиндан маълум. Шундоқ ҳам дунёнинг кўзга кўринган дам олиш масканларида русларни хуш кўришмайди. Қиримда эса асосий дам олувчи сайёҳларга қирим-татарилар хизмат кўрсатишади. Хулоса барчага аён.

Масаланинг асл моҳиятига қаралганда, Россияга Қиримнинг дам олиш маскани сифатида кераги йўқ. Россияга Қирим ўз ҳарбий базаларини ўрнатиш ва Қирим орқали бутун Европага ўз кўланкасини солиб туриш учун керак холос.

Ҳозирданоқ баъзи бир соҳаларда бу ҳолат ўз кўринишини бермокда. Хусусий мулкларнинг ҳужжатларини қайта рўйхатдан ўтказишда сунъий муаммолар яратилмоқда.
Ҳужжатлардан камчиликлар топишга ҳаракат қилинмоқда.

Қора денгиз қирғоқларига яқин бўлган ерларнинг нархи бугунги кунга келиб икки баробар тушиб кетган. Бир йил муқаддам бир сотих ер 5000 АҚШ доллари атрофида бўлган бўлса, ҳозирда бир унинг нархи 2500 АҚШ долларига тушиган. Сотилган ерни қайта рўйхатга олиш учун эса, умумий сумманинг ўн фоизи рўйхатдан ўтказувчи ташкилот раҳбарига пора сифатида берилиши кузатилмоқда.

Барча хусусий бизнесга ва мулкка эга бўлганлар бугунги кунда нима қилишларини билмай қолганлар. Камчилик топаман дейишса ҳар қандай ҳужжатдан ҳам камчилик яратиб олишади.

Россия ўзининг коррупцияга ботган тизимини Қиримга ўрнатар экан келажакда айнан шу ердан катта портлаш бошланиб Россиянинг ўзини Қора денгизга ғарқ қилиш эҳтимоли мавжуд.

Мансур Кучли