Дўстназар Худойназар: “Нега бугун Ғарб сиёсатчилари Шарқий Украинадагиларга булочка тарқатишмаяпти?”

Дўстназар Худойназар: “Нега бугун Ғарб сиёсатчилари Шарқий Украинадагиларга булочка тарқатишмаяпти?”
22 views
28 April 2014 - 12:05

dustnazar rossiya haqidaҚизиқ замонлар бошланди. Қилғиликни қилиб қўйган Оврупа ва АҚШ эртадан кечгача Россияни қоралагани қоралаган, гўёки Украинадаги сиёсий ва иқтисодий тарангликка Россия айбдор эмиш.

Бутун дунё жамоатчилигининг кўзи кўрдек ёки ҳамманинг ҳотираси саёздек, ҳудди-ки икки уч ой олдин бўлган воқеаларни кузатмагандек.
Украина майдонида турганларга ким булочка улашганди? ким майдонда турганларни бу украин халқининг хоҳиши деб жар солганди? Нега бугун Украинада яшовчи рус милатига мансуб фуқаролар ўз истаклари билан майдонга чиқишса улар айирмачилар бўлиб қолиши керак? Нега бугун ғарб сиёсатчилари Шарқий Украинадагиларга булочка тарқатишмаяпти?

Ўз навбатида эса, бугунги кунда Украина ҳукумати ўзи қай йўл билан давлат тепасига келиб қолганини унутиб ҳарбийларни ўз жанжалига жалб қилди. Аммо қонуний сайланган Янукович бу ишга жазм қилмаганди.

Мен ўз кузатишларимдан шу нарсани сезмоқдаманки, Украинанинг ҳозирги ҳукумати Россиядан ҳавотирланиб бу ишларни қилаётгани йўк, аксинча, ҳукумат оддий халқнинг кўтарилишидан қўрқиб бу ишларни қилмоқда.

Ўз халқини ваҳимага солиб Россия бизни ўзига қўшиб олмоқда, бизга тинчликпарвар кучларнинг ёрдами керак деган иддао билан ўз давлатига халқаро тинчликпарвар кучларни киритиб олишга эришишни уйлаяпти. Чунки уз аскарлари халқ кўтарилганда халқига қарши бормаслигини жуда ҳам яхши биладилар. Халқнинг кўп ўтмасдан кўтарилишини ҳам яхши англаб етадилар.

Халқаро тинчликпарвар кучлар учун эса фарқи йўқ, улар отаверадилар, чунки бу кучлар ўз шавқатсизликлари учун ойлик оладилар. Бу кучлар киритилиб тинчлик ўрнатилган давлатлар ҳали ҳам ўзларини ўнглаб олмаганлар. Мана шунга асосланиб улар тинчликпарвар аскарлар деб аталадилар. Улар шундай тинчлантириб қўядиларки ҳар қандай халқ тавбасига таянади. Буга дунё аҳли Ироқ, Афғонистон, Сурия, Югославия ва бошқа давлатлар мисолида гувоҳ бўлиб келмоқда.
АҚШ давлати эса, ўзининг ғаними бўлган Россияни Украинадаги сиёсий ва иқтисодий тангликдан фойдаланиб унга янгидан янги санкциялар қўллаб ўз йўлидан супуриб ташламоқчи. Россиянинг ички кучи нималарга қодирлигини ёки нодавлат ташкилотлар воситасида Россия ичкарисида экилган демократия уруғи ўз мевасини берармикин буни вақт кўрсатади.

Ўз иттифоқчисини қўллаб келаётган Оврўпа бу каби ўйинда нималар йўқотишини билсада бу ўйинга қаршилик қила олмаяпти. Барча далиллар ҳам шунга ишорат бермоқда аслида…

Оврупага ҳам осон эмас. Бу уйинда Россия ютиб чиқса Оврупа бундан сунг Россия иттифоқчисига айланади.

Тарих сабоқларига назар солганимизда эса Россия доимо ўзгалар кучи билан бу каби урушларда ютиб келган.
Аслида эса, Россия ҳам тинч тургани йўқ. Ўзига қарши элон қилинган замонавий урушдан ҳимояланиш мақсадида ҳаракатлар қилмокда. Кўринишидан кучлар тенг бўлмасада, Россиянинг ютиб чиқиш эҳтимоли кучли. Чунки, Ўрта Осиё давлатларининг иқтисодий ривожланиши Россияга боғлик бўлганлиги сабаб улар томонидан ҳам зарур қўллаб-қувватловга эга.

Россиянинг ичида фуқаролар уруши бошланиши эҳтимоли эса экилган демократия уруғига боғлиқ. Нодавлат ташкилотларнинг Варашавадаги ўқув мактабида Россиянинг турли минтақаларидан 300 дан ориқ демократлар қисқа мудатли курсларда ўқитилиб Россия ичига киритилганлар. Украинадан эса шу ўқув мактабидан 150 нафар одам ўқиган. Россия нуфузининг Украинадан уч баробар ортиқлиги эътиборга олинса 300 нафар демократ ғарб манфаатлари йўлида қанчалик самара беради буни эса вақт кўрсатади.

Дўстназар Худойназар
27.04.2014