Россия украина товуқ гўштининг Ўзбекистонга транзитини таъқиқлаб қўйди

Россия украина товуқ гўштининг Ўзбекистонга транзитини таъқиқлаб қўйди
76 views
28 April 2014 - 14:39

168 tonna tovuqРоссельхознадзор Украинанинг энг катта агрохолдинги “Мироновский хлебопродукт” таркибига кирувчи “Мироновской птицефабрики” махсулотларининг Россия ҳудуди орқали Ўзбекистонга транзитини таъқиқлаб қўйган. Бу ҳақда 28 апрель куни Россельхознадзор расмий сайтида “Божхона Иттифоқи ҳудудига госветнадзор назорати остидаги махсулотларни олиб кириш қоидаларни бузганлик тўғрисида”ги хабари эълон қилинди.

Ветеринар ва фитосанитар назорат бўйича Россия Федерал хизмати (Россельхознадзор) берган маълумотга кўра ушбу махсулотнинг Россия ҳудуди орқали транзит ўтиши учун тегишли рухсатнома йўқ.

“Текширув вақтида аниқланишича, ушбу махсулотга нисбатан унинг Россия Федерацияси ҳудуди орқали транзит қилиниши учун рухсатнома берилмаган. Россельхознадзор ҳодимлари томонидан ягона ветеринар-санитар талаблар бузилганлиги тўғрисида акт тузилди”, – дейилади хабарда.

Бундан ташқари хабарда Гуково темир йўл рухсат бериш пунктида жами 188,5 тонна бўлган беш вагон товуқ гўшти тўхтатиб қолинган. Россельхознадзор маълумотига кўра махсулотни қабул қилиб олувчи Ўзбекистонда жойланган Global Leather Manufacture ширкати бўлган.

Эслатиб ўтамиз, 2014 йилнинг 9 апрелида Гуково темир йўл рухсат бериш пунктида оқсил чиқиндисидан иборат бўлган жами 64 тонналик бир вагон юк тўхтатиб қолинганди. Россельхознадзор ҳодимлари томонидан ҳужжатлар текширилганда мазкур юкнинг Ўзбекистондан Украинага жўнатилгани аниқланганди.

ЎХҲ ахборот бўлими