Путин бир ўқ билан ўнлаб қуёнларни овламоқда

Путин бир ўқ билан ўнлаб қуёнларни овламоқда
80 views
07 May 2014 - 14:37

Менинг фикри ожизимча ҳозиргача Россияга қўлланилаётган барча санкциялар Путин фойдасига бўлиб келмоқда. АҚШ ва Оврўпа ўз шарт-шароитидан келиб чиқиб санкциялар қўлламокда бу Путинга жуда ҳам қўл келмоқда. Ҳеч кимга сир эмаски йиллар мобайнида Россиядан ҳар йили юз миллиардлаб долларлар бизнесменлар томонидан ҳар хил йуллар билан чиқариб кетиларди. Бу эса Россия иқтисодиётига етарли даражада таъсир кўрсатарди.

Ҳозирги кунда қўланиладиган санкциялар натижасида мана шу чиқариб кетилган пулларни бизнесменлар аста секин Россияга қайтаришмоқда. Эндиликда йирик тадбиркорлар томонидан олиб чиқиб кетилиши керак бўлган миллиардлар эса Россияда қолдирилиб мамлакат иқтисодиёти ривожига ишлатилмоқда.

Путин бир ўқ билан бир эмас икки эмас ўнлаб қуёнларни овламоқда. Буни тушуниб етмоқ керак. Россия кичик бир давлат эмаски Қора денгизга киритилган кемадан қўрқса ёки хазинаси қуриб қолмайдики санкциядан қўрқса. Бунинг устига триллонлаб доллар ва олтин запаси бўлса.

АҚШ ва Оврўпанинг бугунги хатоси эса Ураинадаги ҳолатни узоғи яна икки йилдан кейин Россияда ҳам ташкилаштириш имконини бой берди. Шу сабабли ҳам АҚШ ва Оврўпа матуботини эътибор билан кузатсангиз уларда биринчи кундаги бўлган катта кетишлар яъни қатъий қўрқитишга қаратилган дўқ-пўписалар сингари чақириқлар секин аста ўз кучини йўқотмоқда. Бунинг ўрнига Россияни қўллашга ўхшаш ёки умуман ҳаммасини Россия ҳал қилиши керак каби қисқа бир маърузалар ёки чақириқлар пайдо бўлмоқда.

Дунё криминалисткасида шундай бир фраза бор – ҳар қандай жиноятчи ўз жиноятида билиб билмай маълум бир далилни қолдиради. Яъни жиноятчи қанчалик устамон бўлмасин агар жиноят содир этса, бирор бир кичик бўлсада из қолдиради. Буни буюк изқуварлар яхши билишади. Мана шу кичик из ёки далил орқали кўплаб жиноят ишлари очилади.

Бугунги кунда Украинада жиноят содир этилди яъни омавий қирғин уюштирилди. Бу қирғин уюштирилмасидан олдин унинг ташкилотчиси ўз оғзи билан бу ҳақда билиб билмай маълумот қолдирди.

Эътибор қилиб қаралса Путин ўзининг журналистлар билан бўлган охирги конфренциясида Оддеса ҳақида гапириб ўтди. Кўп ўтмасдан Одессада оммавий қирғин уюштирилди.

Русспарастлар бугунги кунга келиб буни инкор этаяпдилар аммо факт фактлигича қолади.

Россиянинг БМТдаги вакили жаноб Чуркин Россияга қарши ҳеч бир аниқ далилли фактлар йўқ деб оғиз йиртмокда.
Тўғри аниқ далил йўқ, чунки Россия бугун тадбирколик билан ишламоқда, яъни далил қолдирмасдан ишламоқда. Правый сектор номидан ва Украина халқи номидан уларнинг кўринишида ҳаракат қилмоқда. Буни инкор этиб бўлмайди.

Эртами кечми бу жиноятлар изи очилади аммо Одессада даҳшатли олов ичида куйиб кул бўлганларни ҳеч ким ҳаётга қайтаролмайди.Уларнинг ортларида қолган фарзандларининг ва узоқ яқин қавму-қариндошларининг қалбларига ҳеч ким малҳам бўлолмайди.

Мансур Кучли