Россия ТИВ Александр Позднеевнинг Ўзбекистонда ҳибсга олиниши юзасидан муносабат билдирди

Россия ТИВ Александр Позднеевнинг Ўзбекистонда ҳибсга олиниши юзасидан муносабат билдирди
60 views
22 May 2014 - 14:44

п21 май куни Россия ТИВ расмий веб-сайтида россия фуқаросига нисбатан Ўзбекистонда очилган жиноий иш юзасидан баёнот эълон қилди.

Баёнотда айтилишича, Россия ташқи ишлар идораси Ғарбий Урал машинасозлик концерни бош директори Поздеевнинг Тошкентда ҳибсга олиниши билан боғлиқ вазиятни у қўлга олинган 13 майдан бери диққат билан кузатиб келишмоқда.

Россия ТИВ матбуот хизмати хабарига кўра Россиянинг Тошкентдаги элчихонаси ўзбек томонига Александр Поздеевга консуллик хизматларини кўрсатиш масаласида мурожаат қилишган, бироқ ҳозирча бу илтимос қаноатлантирилмаган.

Шу сабабли ҳам Россия Ташқи ишлар вазирлиги вазиятдан ташвишда эканини билдиради.

Ташқи ишлар вазирлиги баёнотида таъкидланишича, адлия органлари тарафидан ўзаро конструктив ҳамкорлик қилиш тайёргарлигининг йўқлиги туфайли Россия Федерацияси ва Ўзбекистон Республикаси ўртасидаги доимо юқори бўлиб келтган стратегик шериклик ва иттифоқдошлик муносабатларига соя солувчи турли миш-миш ва шубҳа-гумонлар пайдо бўлмоқда.

Ғарбий Урал машинасозлик концерни раҳбарияти Александр Поздеев Ўзбекистон ҳуқуқни муҳофаза қилиш органлари томонидан Деҳқонобод калий заводи қурилишида ҳуқуқбузарлик содир қилганлик айби билан 14 май куни ҳибсга олинганди.

Ўзбекистон Бош прокуратураси маълумотига кўра Поздеев қурилишдаги сметани ошириб кўрсатган ва молиявий фирибгарликни амалга оширган. Айни пайтда, россиялик тадбиркорнинг Ўзбекистон ҳукуматининг концерн олдидаги 36 миллион долларлик қарзини тўланишини талаб қилганидан сўнг ҳибсга олингани ҳақидаги хабарлар пайдо бўлди.

ЎХҲ ахборот бўлими