Мисрдаги президентлик сайловларида собиқ мудофаа вазири етакчилик қилди

Мисрдаги президентлик сайловларида собиқ мудофаа вазири етакчилик қилди
22 views
29 May 2014 - 12:08

EGYPT-POLITICS-UNRESTМисрнинг собиқ мудофаа вазири Фаттоҳ ас-Сиси бўлиб ўтган президентлик сайловларида 352 та сайлов округидан 327 тасида ҳисоблаб чиқилган овозлар натижасига кўра унинг учун 92,3% сайловчи – 22,3 миллион одам овоз берган. Бу ҳақда пайшанба куни Миср давлат телевиденияси маълум қилган.

ас-Сисининг рақиби Ҳамдин Саббоҳий учун 852 мингдан ортиқ одам ёки сайловчиларнинг 3,5% қисми овоз берган. Бир миллион атрофидаги бюллетен (4,1%) эса яроқсиз деб топилган, деб хабар беради ИТАР-ТАСС.

Сайловларнинг расмий натижалари беш кун ичида эълон қилиниши лозим.

Al Jazeera тарқатган хабарга кўра икки кун давомида бўлиб ўтиши мўлжалланган сайловларда бошида сайловчиларнинг иштироки нисбатан паст бўлиб 44,4%ни ташкил қилган.

Фуқароларни сайловда овоз беришга жалб қилиш мақсадида ҳукумат ҳатто сайловнинг иккинчи кунини миллий байрам деб эълон қилган ва сайловни уч кунга узайтиришга мажбур бўлган.

ВВС сайловчиларнинг иштирокининг бундай паст бўлганини кўплаб сиёсий гуруҳлар томонидан сайловга бойкот эълон қилингани билан изоҳлайди.

ас-Сисининг ғалабаси ҳақидаги илк хабар эълон қилинган заҳоти унинг тарафдорлари Каир кўчаларига чиқишди. Улар қўлларига Миср байроғини кўтариб мушакбозликни бошлаб юборишди. Минглаб одам Ҳусни Муборак тахтдан ағдарилган 2011 йилги халқ ғалаёни рамзи бўлган Таҳрир майдонига тўпланди.

Фельдмаршал ас-Сиси – ҳарбийдан етишиб чиққан мулозим бўлиб 2013 йилнинг июнь ойида Мисрда президент Муҳаммад Мурсийга қарши уюштирилган кўп миллионлик намойишлар вақтида дунёга танилди.

Унинг рақиби Саббоҳий инқилобчиларнинг фуқаролик лагеридан номзод сифатида кўрсатилган. У 2012 йилги сайловларда ҳам ўз номзодини илгари сурганди ва собиқ бош вазир Ахҳмад Шафиқ ва ўша вақтдаги номзод Муҳаммад Мурсийдан 5%га ортда қолганди. Муҳаммад Мурсий минимал даражадаги фарқ билан сайловларда ғалаба қозонганди, бироқ бир йил ўтмасдан армия тарафидан ҳокимиятдан четлатилди.

Қайд этиш жоизки, жорий йилнинг феврал ойида Россия президенти Владимир Путин Москвада Абдул Фаттоҳ ас-Сисий билан учрашганди ва унга бўлғуси сайловларда омад тилаганди.

ЎХҲ ахборот бўлими