Намангандаги конда иккита ўсмирни тупроқ босиб қолди

Намангандаги конда иккита ўсмирни тупроқ босиб қолди
32 views
17 June 2014 - 13:23

1Наманган вилоятининг Поп туманидаги Чоркесар қишлоғида жойлашган шағал конида иккита ўсмирни тупроқ босиб қолди.

Бу ҳақда хабар берган Намангандаги манбамизнинг сўзларига кўра ушбу мудҳиш воқеа 16 июнь куни соат эрталабки 10 лар атрофида содир бўлган.

Таъкидланишича, қишлоқ аҳолиси иш йўқлиги туфайли Чоркесар қишлоғидаги тош ва шағал қазиб олинадиган конга (карьер) бориб ишлашади ва кунлик асосида меҳнат ҳақи олишади. Кўпчилик ёшлар сингари шу қишлоқда яшовчи 1997 йилда туғилган иккита ўсмир йигит ҳам пул топиш илинжида Чоркесар тош краьерига бориб ишлашган. Бироқ, 16 июнь куни эрталаб 10 ларда тупроқнинг силжиши оқибатида тош ковлаб олишаётган ўсмирлар тупроқ остида қолиб кетишган.

Воқеа содир бўлган ҳудудда истиқомат қилувчи манбамизнинг сўзларига кўра ҳозирда ўсмирларнинг жасадлари чиқариб олиниб Поп туманига экспертиза учун олиб кетилган.

Маълумот ўрнида таъкидлаш жоизки, бугунги кунда республика бўйича – 112 та шағал ва 8 та харсангтош карьерлари мавжуд. Мазкур конлар атрофида яшовчи аҳоли ишсизлик туфайли карьерларга бориб техник хавфсизлик нормаларига жавоб бермайдиган оғир шароитларда ишлашга ишлашга мажбур бўлмоқда. Бунинг оқибатида эса ишчиларни тупроқ босиб қолиш билан боғлиқ ҳолатлар сони ортмоқда.

Бундан ташқари, юқорида тилга олинган Наманган вилоятининг Поп туманидаги конлар атрофи экологик жиҳатдан ҳам хавфли ҳудуд саналади. Чунки мазкур ҳудудга «Чоркесар-23» 2 ва 3-сонли уран кони манбаини қайта ишлаш натижасида вужудга келган радиоактив чиқиндилар жойлаштирилган.

ЎХҲ ахборот бўлими