Тошкентга БТРлар киритилди

Тошкентга БТРлар киритилди
75 views
03 July 2014 - 10:46

9

Ижтимоий тармоқларда жорий ой бошида суратга олинган ва Тошкент кўчалари бўйлаб ҳаракатланаётган зирхли машиналар – БТРларнинг суратлари кенг тарқалди. Муаллифнинг сўзларига кўра мазкур фотосуратлар Мирзо Улуғбек туманидаги Буюк Ипак Йўли кўчасида олинган. суратдаги зирхли машинанинг – БТР-80 эканлиги айтилмоқда.

Мамлакат пойтахтида зирхли машиналарнинг нима сабабдан пайдо бўлгани ҳақида ҳозирча аниқ маълумотлар йўқ, бироқ баъзи маҳаллий нашрлар бунинг яқинлашиб келаётган мустақиллик байрамига тайёргарлик ва ҳуқуқий тартиботни сақлаш билан боғлиқлиги ҳақида ёзишмоқда.

Хусусан, 3 июль куни маҳаллий anhor.uz нашри Тошкент кўчаларида БТРларнинг юрганлиги тўғрисида хабар тарқатган эди. Бироқ орадан бир неча соат ўтиб хабар зудлик билан интернет саҳифадан олиб ташланди.

ЎХҲ ахборот бўлими