Туркманбоши йўқлигида шаҳарда комендантлик соати ўрнатилади

Туркманбоши йўқлигида шаҳарда комендантлик соати ўрнатилади
76 views
09 July 2014 - 14:08

2Жорий йилнинг 29 июнь куни туркман президенти Қурбонқули Бердимуҳамедовнинг Тошҳовузга бўлган сўнги сафари мобайнида пойтахт Ашхободда милиционерлар ва шаҳар патрул хизмати ходимлари сони кескин оширилган.

Соат кечки 22:00 дан сўнг милиция ходимлари кўчаларда, боғларда ва шаҳар ҳиёбонларида сайр қилиб юрган одамларнинг олдига бориб ҳамманинг зудлик билан уй-уйларига тарқалиши кераклигини ва бу вақтдан кейин кўчага чиқишнинг таъқиқланганлигини уқдиришган.

Милиция ходимларининг бу ҳаракатидан ажабланиб сабабини сўраганларга эса: “президент йўқлигида пойтахтда комендантлик соати эълон қилинадиган бўлди”, – деб жавоб беришган.

Кузатувчиларнинг сўзларига кўра, бошқа вақтлари ҳам кечки 22:45 да Ашхобод бўйлаб милиция машиналари овоз кучайтиришлар орқали ҳиёбонларда сайр қилиб юрган одамларни уйларига тарқалишларини талаб қилишади.

Шаҳарда кун бўйи ишлаб турган фавворалар ҳам роппа-роса соат 22:00 да ўчирилади. Ётоқхоналарда яшовчи талабаларга эса кечки 21:00 дан сўнг кўчага чиқиш таъқиқланган.

ЎХҲ ахборот бўлими