Исроил полицияси Ал-Ақса Масжидига ҳужум уюштирди (видео)

Исроил полицияси Ал-Ақса Масжидига ҳужум уюштирди (видео)
46 views
12 July 2014 - 14:32

isroil-masjidga-hujum-uyushtirdiИсроил полицияси муқаддас Рамазон ойи бошланганидан бери Қуддус шаҳридаги Ал-Ақса масжидига мусулмонларнинг киришига тўсқинлик қилиб келмоқда.

Хусусан, полиция ходимлари масжид ҳудудига 50 ёшгача бўлган фаластинликларнинг киришини таъқиқлаб қўйди. Мазкур қарорни амалга ошириш мақсадида масжид атрофи Исроил полицияси томонидан ўраб олган ва тартибни сақлаш мақсадида қўриқчилар қўйилган.

Исроил радиоси Ал Ақса масжидига киришга фақатгина Шарқий Қуддус ва араб шаҳарлари ҳамда Исроил қишлоқларининг 50 ёшдан ошган аҳолисига кириш рухсати берилганини эълон қилди.

Иордан дарёсининг ғарбий соҳили ва Ғазо минтақаси аҳолисининг масжидга кириши таъқиқлангани айтилмоқда.

Бу эса фаластинликларнинг кучли норозилигини келтириб чиқарди. Ўрнатилган тартибга риоя қилмасдан масжидга кириб олганларни ҳайдаб чиқариш мақсадида Исроил полицияси масжидга бостириб кирган. Мазкур ҳолат тасвирланган видеолавҳа 10 июль куни youtube тармоғи бўйлаб тарқалди.

Орадан бир кун ўтиб Рамазон ойининг иккинчи жумаси куни ҳам Иордан дарёсининг ғарбий соҳили ва Ғазо минтақасидан масжидга ибодат учун келган юзлаб фаластинликларнинг киришларига рухсат берилмаган.


ЎХҲ ахборот бўлими