Россия мулозимларидан бутун дунё юз ўгирган

Россия мулозимларидан бутун дунё юз ўгирган
60 views
12 July 2014 - 15:33

7

Россия делегациясининг асосий қисмига виза бериш рад қилингани учун жорий йилнинг 14 июль куни ўтказиладиган “Фарнборо-2014” халқаро авиасалонида қатнаша олишмайди. Бу ҳақда Россиянинг Буюк Британиядаги элчихонаси матбуот хизмати томонидан эълон қилинган баёнотга таяниб haqqin.az хабар берди.

“Россия Федерациясининг Буюк Британиядаги элчихонаси қабул қилувчи томон Буюк Британия бўлган “Фарнборо-2014″ халқаро авиакосмик салонда россия делегациясининг асосий қисми кела олмаслигидан таасуфда эканини билдиради”, – дейилади баёнотда.

Россия делегациясидаги ўз манбасига таяниб РИА Новости агентлигининг хабар беришича, юзага келган вазият туфайли “Фарнборо- 2014″нинг биринчи куни “Рособоронэкспорт” делегацияси томонидан олиб борилиши лозим бўлган жуда муҳим музокаралар пучга чиқди.

“Ҳозирданоқ айтиш мумкинки, “Рособоронэкспорт”нинг ҳарбий-техникавий ҳамкорлик бўйича душанба кунига мўлжаллаган муҳим музокаралари кўрказманинг биринчи куни бошланмасидан пучга чиқди дейиш мумкин, чунки делегациянинг асосий қисми Британия визасини олишолмади”, – дея ўз манбасининг сўзларидан иқтибос келтиради агентлик.

6

“Фарнборо-2014” халқаро авиасалонининг очилиш маросими 14 июль куни бўлиб ўтади ва бир ҳафта давом этади. Мазкур тадбир авиация оламидаги энг муҳим ҳодисалардан саналади ва унда имзоланган битимларнинг қиймати йилига ўнлаб миллиард долларни ташкил қилади.

ЎХҲ ахборот бўлими