Эрдўғон: “БМТ нима ишга ярайди ўзи?”

Эрдўғон: “БМТ нима ишга ярайди ўзи?”
25 views
16 July 2014 - 13:55

erdogan natoАнқара шаҳрида бўлиб ўтган ифтор вақтида Туркия бош вазири Ражап Тойип Эрдўғон Фаластиндаги вазият ва Исроилнинг тинч аҳолига нисбатан агрессияси борасида берган шархида: “Мен шундай савол билан мурожаат қиламан: БМТ! Сени бу ҳолда нима керагинг бор, нима ишга ярайсан ўзи? Бирлашган Миллатлар Ташкилоти нима учун тузилган эди? Бутун дунёда тинчликни таъминлаш учун эмасмиди?”, – дея хитоб қилди, деб ёзади ТЮРКИСТ.

Унинг сўзларига кўра, агар БМТ тинчликни таъминлаш ишини эплай олмаса уни тугатиб янгидан ташкил қилиш лозим.

“БМТ Хавфсизлик Кенгашига эътибор қилинг. Бутун дунё Хавфсизлик Кенгашининг бешта аъзо давлати қўлида ўйинчоқ. Улар нима десалар шу бўлади”, – дея Эрдўғон сўзларидан иқтибос келтиради маҳаллий ОАВ.

Бундан ташқари Туркия бош вазири Исроил билан муносабатларни мувофиқлаштириш жараёнининг буткул тугатилганини билдирди.

“Менда Исроилнинг Ғазода нималар қилаётгани тўғрисида ишончли маълумотлар бор. Айни соатларда Ғазо минтақачсида 1400 та ярадор бор ва 194 одам ўлдирилган. Исроил 1470 та нуқтага зарба берган. 660 та турар жой вайрон қилинган, 12600 та бино жиддий шикастланган. 19 та масжид ўққа тутилган ва вайрон қилинган. 33 та мактаб ва 6 та тиббий муассаса жиддий шикастланган. Буни ким қиляпти? Исроил”, – дея таъкидлайди Эрдўғон.

Унинг сўзларига кўра ҳеч ким дунёқараши қандай бўлишидан қатъий назар ўзини оқлай олмайди.

“Туркия бош вазирини ҳуш кўришмайди. Бу табиий. Шундай бўлади ҳам. Қачон ва дунёнинг қаерида ҳақиқатни айтган одамни яхши кўришган? Лекин биз барибир ҳақиқатдан воз кечмаймиз”, – дея ўз сўзига якун ясайди Туркия бош вазири.

ЎХҲ ахборот бўлими