Россияпараст террорчиларнинг айёрона “жанг қилиш тактикаси” фош бўлди

Россияпараст террорчиларнинг айёрона “жанг қилиш тактикаси” фош бўлди
33 views
21 July 2014 - 15:23

ayyor separatistБугун Украина шарқида мамлакат қуролли кучлари томонидан террорчиликка қарши амалиётлар (ТҚА) давомида шиддатли жанглар бўлиб ўтди. ТҚА котиби Владислав Селезнев берган маълумотга кўра 21 июль куни Украина армияси Донецк шаҳар аэропорти ва унинг атрофидаги ҳудудларда назорат ўрнатган.

Луганск вилоятида эса ТҚА қатнашчилари Россия техникаларидан иборат колоннани артиллериялардан ўққа тутган. Бироқ, шунга қарамасдан бир нечта танкнинг чегарани кесиб ўтгани ҳақида хабар беради Korrespondent.net нашри.

20 июль куни Луганск вилоятидаги Изварино чегара пункти орқали Россиядан Украина ҳудудига Россия қўпорувчиларининг оғир техника билан қуролланган колоннаси киришга уринган. Бу ҳақда Украина Миллий хавфсизлик кенгаши котиби Андрей Лысенко маълум қилди.

Унинг сўзларига кўра Украина ҳарбийлари колоннани тўхтатишга ҳаракат қилишган, бироқ шунга қарамасдан бир нечта танк ва юк автомобиллари чегарани бузиб киришга муваффақ бўлган.

“Россияпараст террорчилар ва россиялик қўпорувчиларнинг тактикаси қуйидагича: Бошида террорчилар Украина тарафидан туриб Россия ҳудудидаги одам йўқ жойларга қарата ўқ узишади. Бунга жавоб сифатида россиялик ҳарбийлар Украина ҳарбийларини оммавий равишда ўққа тутади. Россия ҳарбийлари артиллериядан ўққа тутаётган вақтда Украина ҳудудига Россиянинг оғир ҳарбий техникаси ва ёлланма жангарилар ўтиб олишади”, – дейди у.

ЎХҲ ахборот бўлими