Ўзбекистон МХХ: “Юрт душманлари биз билан ёнма-ён яшамоқда”

Ўзбекистон МХХ: “Юрт душманлари биз билан ёнма-ён яшамоқда”
30 views
26 July 2014 - 10:51

3Ўзбекистонда инквизитор Каримов яратган мустабид режим тубанликнинг янги босқичига ўтди. Золим раҳбар ўз режими поёнига етаётганидан талвасага тушиб давлат тузилмасидаги ҳуқуқни топтайдиган барча органлардан тортиб маҳалла фаоллари ва масжид имомларигача нураётган салтанатни сақлаб қолиш ишига жалб қилган.

Айни пайтда диктаторнинг кўзига атрофдаги ҳамма душман бўлиб кўрина бошлаган. Ўзи учун душман деб ҳисоблаганларни халқ номидан юрт душманлари деб атаган Каримов МХХ дан уларга қарши курашни янада кучайтиришни талаб қила бошлади. Бунга сабаб эса сўнги пайтларда юрт ташқарисидаги дунёвий муҳолифатнинг диндорлар билан бирлашиб Ўзбекистонга кириб келиши ҳақидаги гап-сўзларнинг тарқалгани билан боғлиқдир.

Шундан сўнг бошланган репрессиянинг янги тўлқинидан биринчи навбатда мамлакатдаги диндорлар, хусусан, хижобга ўранган аёллар жабр кўришни бошлади.

Бизга етиб келган хабарга кўра диктаторнинг буйруғини бажаришга астойдил бел боғлаганг МХХ яқинда бутун хавфсизлик кучларининг қўшма махфий йиғилишини ўтказган.

Унда юрт душманларининг ўзлари билан ёнма-ён яшаётганлиги, ичкаридаги ҳар бир нарсанинг ярим соат ўтмасдан ташқарида жаранглаши ҳақида сўз борган. Душман ёнма-ён яшамаса, бундай бўлмаслиги хусусида гап бориб, чоралар қўллаш ҳақида таклифлар бўлган. Биринчи навбатда, диндорларга қарши чора қўллаш кераклиги айтилган.

Шундан сўнг, бир ҳафтадирки диндорлар, айниқса ҳижобга ўранган аёллар устидан назорат янада кучайтириш бошланди.

Ҳозирда ҳар бир ҳижобдаги хотин-қиз қайтадан рўйхатга олиняпти. Жойларда маҳалла фаоллари билан МХХти ходимлари биргаликда, уларнинг рўмолини “ўзбекона” қилиб орқасига боғлатишга тушган.

Маҳалла фаолларининг ҳам тилида, душманнинг ўзлари билан ёнма-ён юргани ҳақидаги гаплар.
Улар очиқдан-очиқ ҳижобдаги аёлларни дуч келган жойда сўроққа тутиб, у ҳақидаги маълумотларни ёзиб оляптилар. Бирор-бир кўнгилсиз ҳодиса юз берса, биринчи бўлиб хавфсизлик кучлари уларникига бостириб кириб, уларни олиб кетишини айтиб қўрқитяптилар.

Бозорларда, кўча-кўйлардаги ошхона ва дўкон эгаларининг ҳижобини МХХ налог ёки миршаблар орқали ечиб ташлашни талаб қиляпти. Бўйсунмаса, ошхона ёки дўконини ёптиряпти.

Ишхоналардаги хотин-қизлар рўмолини орқасидан боғламаса, ишидан ҳайдаляпти. Бу нарса, уларнинг ўзлари билмайдиган, аммо устиларига бостириб келаётган қандайдир хатарга қарши бошланган ҳимоя воситаси сифатида ўртага чиқиб, соат сайин зўравонлик кучайиб бормоқда.

МХХ ўзининг жойлардаги раҳбарларининг кўпиларини алмаштиришни бошлаган. Шу йўл билан лавозимга интиқ янги кучларнинг қўли билан жамиятни “жазолашга”, “саралашга” тушган. Эскилари қон ичиб тўйингани учун танбал, карахт бўлиб қолган, шекилли. Очларга бу иш айни муддао. Улар ўзларини кўрсатиш учун қўлларидан келган ҳамма нарсани амалга оширишга тайёрлар.

ЎХҲ ахборот бўлими