Рус чекистлари Путин сиёсатига қўшилмайдиганларга қарши

Рус чекистлари Путин сиёсатига қўшилмайдиганларга қарши
82 views
27 August 2014 - 13:33

10Рус чекистлари “Путиннинг оқилона сиёсати”ни қўллаб-қувватламайдиганларга қарши репрессия бошлади, деб ёзади ОАВ.

Хабарларда ёзилишича бу жуда бемаъни бир ҳолатдир.

“Инсоният тарихидаги энг репрессив режимларда ҳам бундай одамларга тегишмаган. Руслар ҳатто коммунист пайтларида ҳам хунук бир тарзда: “сиёсатдан ташқарида бўлиш ҳам сиёсатдир”, дейишсада уларга давлатга қарши душман тамғасини босишмаган”, – деб ёзади нашрлардан бири.

Хабарда таъкидланишича, чекист ташкилотлардан бири бўлган “Россия фуқаролари касаба уюшмаси”нинг Томск бўлими фаоллари рус қўшиқчиси Филипп Киркоровнинг концерт дастурини бекор қилишни сўраб шаҳар “Томоша ва спорт саройи” директори номига хат ёзишди.

Қўшиқчининг Қиримда концерт беришдан бош тортиши чекистларнинг ғазабига сабаб бўлган. Хат матнида, қўшиқчи “россия эстрадаси артисти бўлишига қарамасдан Россия Федерацияси ҳудуди бўлган Қиримда концерт беришдан ошкора бош тортди. Яна бошқа учта ашулачи билан биргаликда қўшиқчи буни ошкора эълон қилди. Бу ҳолатда унинг ҳатти-ҳаракатларини ДАВЛАТГА ҚАРШИ, АХЛОҚСИЗЛИК ва Россия санъати вакилига хос бўлмаган деб баҳолаймиз”, дея таъкидланади. Чекистлар ушбу хат билан “фақат давлат сиёсатига қаршиларни таъқиб остига олиш даври тугади, эндиликда давлат сиёсатига қўшилмайдиганлар ҳам таъқиб остига олинади” деган мазмунда бошқа фуқароларга ҳам огоҳлантириш беришди.

Шу билан бирга, Томскдаги чекистлардан бирининг сўзларига кўра, Шпомер фамилияли бир рус ватанпарвари агарда фаоллар “Томоша ва спорт саройи” директори билан тил топиша олмайдиган бўлса қўшиқчи Томскда “ўзига хос бир илиқ” тарзга қарши олиниши билан таҳдид қилган.

“Пикетлар уюштирилади, мен бутун мамлакат бўйлаб интернет исёнини бошлаб юбораман. Бизнинг бу борада яхшигина тажрибамиз бор. Бир сафар Москва шаҳар марказий универмагида бўлиб ўтиши керак бўлган кўргазмани бекор қилишга эришганмиз”, – дейди рус “ватанпарвар”и.

Қайд этиш жоизки, сўнги пайтларда Николай Басков, Филипп Киркоров, Валерий Меладзе ва Борис Моисеевлар Россия томонидан ишғол қилинган Қиримда фақат тижорий сабаблар туфайли концерт беришдан бош тортган. Чунки улар Украинадаги мухлисларини йўқотишни исташмади.

ЎХҲ ахборот бўлими