Назарбоев ҳам Путиндан чарчади. Қозоғистон Путин иттифоқидан чиқиши мумкин

Назарбоев ҳам Путиндан чарчади. Қозоғистон Путин иттифоқидан чиқиши мумкин
66 views
31 August 2014 - 9:50

2Қозоғистон президенти ўз мамлакатининг мустақиллигини – “бу бизнинг ота-боболаримиз курашган энг катта бойлигимиздир”, – деди.

Қозоғистон агар манфаатларига путур етадиган бўлса, Оврўосиё иқтисодий иттифоқидан чиқиш ҳуқуқига эга. Бу ҳақда Қозоғистон президенти Нурсултон Назарбоев Хабар телеканалига берган интервьюсида баён қилди, деб Tengri News хабарига таяниб ёзади ЛІГА.net.

Назарбоевнинг қайд қилишича, агар шартномада белгиланган қоидалар бажарилмайдиган бўлса, Қозоғистон Оврўосиё иқтисодий иттифоқини тарк этиши мумкин.

“Мен бу ҳақда олдин ҳам гапирганман, ҳозир ҳам қайта айтаман”, – деди у.

Назарбоев Қозоғистоннинг мамлакат хавфсизлигига хавф соладиган ташкилотлар таркибида бўлмаслигини таъкидлади.

“Бизнинг мустақиллигимиз – ота-боболаримиз курашган энг катта бойлигимиздир”, – деди Назарбоев ва ўз мамлакатининг “мустақилликни ҳеч қачон бериб қўймаслигини” ҳамда “уни ҳимоя қилиш учун барча имкониятларни ишга солишини” таъкидлади.

Эслатиб ўтамиз, Россия президенти Владимир Путин Қозоғистоннинг ҳеч қачон давлат бўлмаганини айтганди. Путин гўёки ҳеч қачон давлатчиликка эга бўлмаган Қозоғистонда Назарбоевнинг давлат тузгани ҳақида гапирганди.

Экспертларнинг фикрича, Қозоғистон Украинадан сўнг Россиянинг ҳудудий даъволар билан уруш бошлаши мумкин бўлган навбатдаги давлатдир.

ЎХҲ ахборот бўлими