ОАВ эркинлиги бўйича ЕҲХТ вакили Ўзбекистон расмийларини танқид остига олди

ОАВ эркинлиги бўйича ЕҲХТ вакили Ўзбекистон расмийларини танқид остига олди
36 views
10 September 2014 - 8:44

Dunya MyatovichОАВ эркинлиги бўйича ЕҲХТ вакили Дунья Миятович 8 сентябрь куни билдиришича, Ўзбекистонда жорий йилнинг август ойи охирида кучга кирган “Ахборотлаштириш тўғрисида” қонунига киритилган ўзгартиришлар Ўрта Осиёда жойлашган бу мамлакатда фикр билдириш ҳамда оммавий ахборот воситалари эркинлигини янада кўпроқ чеклай бошлайди.

“Бундан буён қонун блогерларга фақат текширилган ва ишончли маълумотлар ҳақида хабар беришга мажбур қилади, акс ҳолда сайтга тўсиқ қўйилади ва унинг эгалари маъмурий жавобгарликка тортиладилар”, – деди Дунья Миятович. ЕҲХТ вакили ушбу чекловлар ЕҲХТ мажбуриятларда ва бошқа халқаро стандартларда қайд этилган сўз эркинлиги ҳудудларидан анча чиқиб кетганини қайд этмоқда.

“Онлайн-контент эркинлиги оммавий ахборот воситалари ва фикр изҳор этиш эркинлигига ижобий таъсир этиб келган. Мен Ўзбекистон расмийларининг бу қилмишидан норозиман, чунки янги чекловлар демократик тамойиллар ва интилишлардан узоқлаштиради, холос”, – дея билдирди Миятович.

Миятович, шунингдек, Ўзбекистон расмийларини зудлик билан барча маҳбус журналистларни озод қилишга чақирди.

“Ушбу имкониятдан фойдаланиб, мен республика расмийларини Солижон Абдураҳманов, Дилмурод Сайид ва Хайрулло Ҳамидовни озод қилишга яна бир бор чақираман. Ҳеч ким гапираётган ёки ёзаётган гаплари учун қамалмаслиги керак”, – дея билдирди Миятович.

Манба: uzbek.fergananews