Москва собиқ мустамлакаларини қўрқитмоқда

Москва собиқ мустамлакаларини қўрқитмоқда
14 views
11 September 2014 - 10:01

3

Лондонда чиқадиган Times газетаси “Россия юзлаб литваликларни қамаш билан қўрқитмоқда” (Russia threatens to jail hundreds of Lithuanians) номи остида мақода эълон қилди. Мақолада русларнинг анъанавий равишда бошқа халқларга таҳдид қилиши ҳақида сўз боради.

– Россия прокуратураси 1990 йили Литва ўз мустақиллигини эълон қилганидан сўнг рус армиясидан қочиб кетган литваликларга нисбатан 24 йил илгари очилган жиноий ишни қайта қўзғади.

Шу муносабат билан Литва ташқи ишлар вазири Россияни ишончсизлик муҳитини яратиш ва ахмоқликда айблади. Литва Хавфсизлик давлат департаменти бир вақтлар қизил армияда хизмат қилишни истамаган фуқароларига НАТО ва Оврўпа Иттифоқига кирмайдиган давлатларга, хусусан, Россия ва Белорусияга бормасликни тавсия қилди.

Ўтган ҳафтада Россия ФСБ ходимлари эстониялик контрразведкачи Эстон Кохверни Эстония ҳудудидан ўғирлаб кетишганди.

Лондондаги Chatham House таҳлил маркази ходими советшунос Кейр Гилснинг фикрича 24 йил олдин қизил армия сафида хизмат қилишни истамаган литваликларга қарши жиноий ишнинг қайта очилиши ва айни пайтда эстониялик контрразведкачининг ўз ҳудудидан ўғирлаб кетилиши тасодифий ҳолат эмас.

“Бу билан Россия бошқаларга ишорат бермоқчи. Буни Россиянинг собиқ мустамлакаларни қўрқитишга қаратилган ҳаракати дейишимиз мумкин”, – дея таъкидлайди таҳлилчи.

1944 йилдаёқ америкалик дипломат Жорж Кеннан Россияга қўшни бўлган барча давлатлар икки гуруҳга – вассаллар ва душманларга бўлинишини таъкидлаанди.

“Бугун биз ўша кунларга етиб келдик”, – дейди таҳлилчи Times газетасига берган интервьюсида.

ЎХҲ ахборот бўлими