Ўзбекистон Бош прокурори мустақилликка интилмоқдами? (давоми)

Ўзбекистон Бош прокурори мустақилликка интилмоқдами? (давоми)
64 views
16 September 2014 - 15:11

2Таҳририятимиз почтасига ўзини Қудрат Ғофуров деб таништирган муштариймиздан келган мактубнинг биринчи қисмида Ўзбекистон Бош прокурори Рашид Қодиров ва оиласининг ўғирланган маблағлар эвазига ҳориждан сотиб олинган кўчмас мулклари ҳақида сўз юритилади. Мактубнинг иккинчи қисмида эса қонунлар ижросининг бош қўриқчиси Рашид Қодировнинг сўнги пайтларда ҳокимият вакиллари орасида ўз ўрнини мустаҳкамлаб боришга қаратилган баъзи ҳаракатлари ҳақида сўз боради.

Мактуб муаллифининг прокуратурадаги манбалар берган маълумотга таяниб иддао қилишича, Ўзбекистон президенти Ислом Каримовнинг прокуратура органларини ислоҳ қилган ҳолда демократик давлатлар станданртларига мослаштириш ва республика қонунчилигини эркинлаштириш борасидаги ташаббусларига бевосита Бош прокурор Рашид Қодиров томонидан тўсиқ қўйиб келинмоқда.

“Кўриниб турибдики, Ўзбекистон бош прокурори ҳаттоки давлат раҳбарининг ҳам ўз идораси ишларига аралашишига йўл қўймайди”, – дейди муаллиф.

Ўз навбатида мактубда Бош прокурорнинг “қонунчилик устидан назоратни такомиллаштириш” баҳонасида прокуратура ходимлари ваколатларини кенгайтиришга қаратилган янги норматив ҳужжатларнинг қабул қилинишига лоббичилик қилиши ҳақида сўз боради.

Шу туфайли ҳам ҳозирда собиқ совет давридагидек прокуратура органларининг амалда инсонлар тақдирини ҳал қилувчи чекланмаган таъсирга эга бўлишга интилиши кучайиб бораётгани айтилади.

Бунга мисол сифатида муаллиф Бош Прокурорнинг 2014 йил 4 августдаги “Қонунчилик ижроси устидан назорат Бош бошқармаси тўғрисида”ги Низомни тасдиқлаш ҳақидаги буйруғини келтиради. Муаллифнинг иддаосича, ушбу норматив ҳужжат Рашид Қодировнинг олий ҳокимиятдан мустақил бўлиш ва ўз лаёқатини янада кенгайтириш борасидаги амбициявий режаларининг яққол тасдиғи бўлади.

3

“Мутахассисларнинг фикрича, айни пайтда прокуратура тизимида мазкур соҳа бўйича тегишли бўлинмалар (коррупцияга қарши кураш, иқтисодий жиноятларга қарши кураш ва ҳоказо) мавжуд бўлгани ҳолда Бош прокуратура тизими таркибида бюрократияга асосланган янги бир тузилмани яратиш биргина мақсадни кўзлаши мумкин – ўз ваколатларини кенгайтириш ва коррупциянинг ривожланиши учун қулай замин яратиш. Бошқа сўз билан айтганда бу прокуратура органларини ўзига хос – “давлат ичидаги давлат”га айлантиришдан бошқа нарса эмас”, – дейилади мактубда.

ЎХҲ ахборот бўлими