Кремль НАТО давлатларидан бирида фитна чиқариши мумкин – Financial Times

Кремль НАТО давлатларидан бирида фитна чиқариши мумкин – Financial Times
56 views
11 October 2014 - 11:43

5Путин Россияни яккаланиб қолишига сабаб бўлмоқда. Рус “доҳийси”да Россиянинг Украинага ҳужум қилишига жавоб тариқасида жорий қилинган ғарб санкцияларига қарши ҳамма вақт муқобил танлови мавжуд бўлган, деб ёзади Financial Times ва Кремлнинг НАТО давлатларидан бирида фитна чиқариши мумкинлиги ҳақида огоҳлантиради.

Путин танлаши мумкин бўлган биринчи вариант: “Агрессияни тўхтатиш ва Украина билан дипломатик музокараларни бошлаш”.

Иккинчи вариант: “Ураинага нисбатан ўзининг жорий сиёсатини давом эттириш ва ўз уйида санкцияларга қарши жон-жаҳди билан қаршилик қилиш”.

Путин охирги вариентни танлади ва бу танлов эса маълум бир даражада Россиянинг келажагини белгилаб беради,деб ёзади Financial Times.

Санкциялар натижасида Путиннинг мамлакатига инвестициялар оқими кескин равишда қисқариб кетди, иқтисодий ўсиш эса пасайиб бормоқда. Иқтисодиётдаги кескин вазият бугунги кунда ўз таъсирини кўрсата бошлади.

Необольшевик Россияда етакчилик қилаётган плутократик тизим Путиннинг собиқ сафдоши Пугачевнинг таъбири билан айтганда, ўз-ўзини еб битирмоқда. Ҳеч қачон Путинга қарши бормаган магнат Евтушенко ҳибсга олинганидан сўнг – йирик рус бойларининг кўпчилиги ўзларининг таҳдид ва хавф-хатардан ҳимояланмаганликларига амин бўлишди.

Уларнинг баъзилари Путин Россиясини ташлаб чиқиш ҳақида бош қотиришмоқда. Кўпчилиги эса аллақачон ўз пулларини мамлакат ташқарисига олиб чиқиб улгуришган: бу йили мамлакатдан капитал чиқиб кетиши рекорд даража бўлган 120 млрд. долларга етиши кутилмоқда.

Инфляция ўсиб бормоқда, нефть нархининг жуда пасайиб кетгани эса Россияга ўз бюджетида мувозанатни сақлашига имкон бермайди, рубль курси эса 1998 йилги инқироз давридан бери энг қуйи даражага тушди. Иқтисодий муаммолардан диққатни чалғитиш мақсадида, Кремль русларни ғарбга қарши қайраган ҳолда шовинистик кайфият оловига керосин сепмоқда.

Москва маданий алоқаларни узмоқда, расмий шахсларнинг сафарларига таъқиқлар қўймоқда ва ҳатто русларнинг эгнида кийиб юрган ғарб логотипи остидаги футболкаларни рус қўш қанотли ракеталари тасвири туширилган футболкаларига алмаштиришларини талаб қилмоқда. Демократик мухолифатга озор бериш қайта бошланди. Интернетга чекловлар ва ҳорижликларнинг ОАВга эгалик қилишларига таъқиқлар жорий қилинди.

Баъзи сиёсатчилар ва тадбиркорлар Москва расмий равишда Киев билан келишиб олганидан сўнг санкцияларнинг енгиллашишига умид қилишмоқда. Бироқ бунга йўл қўйиб бўлмайди.

Россия Қиримни ишғол остида тутар экан ва Украина шарқида беқарорлик яратишга ҳаракат қилар экан муносабатларни олдинги ҳолатига қайта тиклаш ҳақида гап ҳам бўлиши мумкин эмас. Аксинча Ғарб Россия билан узоқ муддатли қарама-қаршиликка тайёрланиши керак.

Ҳақиқий таҳдид шундан иборатки, Қиримга қилинган ҳужумдан сўнг мамлакат ичида машҳур бўлган Путин ўз рейтингини янада мустаҳкамлашга уриниши мумкин. Бу йўлда у ҳеч тап тортмасдан Украина ичкарисига тобора кириб бориши ва ҳатто НАТО аъзоси бўлган болтиқ бўйи давлатларидан бирида фитна чиқариши ҳам мумкин.

НАТО ва унинг аъзоларининг биринчи галдаги вазифаси – иш бу даражага бориб етганида ўзларининг сўзда ва амалда коллектив хавфсизлик ҳақидаги мажбуриятларига содиқликларини намоён қилишдан иборатдир.

ЎХҲ ахборот бўлими