Рустам Азимов Қирғизистон жанубига газ бериш тўхтатилганлик сабабини очиқлади

Рустам Азимов Қирғизистон жанубига газ бериш тўхтатилганлик сабабини очиқлади
56 views
22 October 2014 - 12:24

217 октябрь куни Қирғизистон парламенти “Республика” фракциясининг мажлисида Қирғизистон бош вазири ўринбосари Валерий Диль ўтган ҳафтада Минскда Ўзбекистон бош вазири ўринбосари Рустам Азимов билан учрашишга муваффақ бўлгани ҳақида гапирган. Бу ҳақда Вечерний Бишкек хабар берди.

Қирғизистон бош вазири ўринбосарининг сўзларига кўра учрашув давомида у Ўзбекистон бош вазири ўринбосари Рустам Азимов билан Қирғизистон жанубига газ етказиб бериш масаласини муҳокама қилган. Муҳокама чоғида Рустам Азимов Ўзбекистоннинг Қирғизистон жанубига зангори олов етказиб беришдан бош тортганлик сабабига ҳам тўхталиб ўтган. Р. Азимовнинг таъкидлашича Ўзбекистон ҳукуматининг бундай йўл тутиши бевосита “Қирғизгаз”нинг Россия “Газпров” ширкатига сотилиши билан боғлиқдир. Унинг сўзларига кўра, янги ташкил қилинган “Газпром Қирғизистон” корхонаси билан шартномавий асосларнинг йўқлиги Ўзбекистоннинг газ етказиб беришни тўхтатиб қўйишига сабаб бўлган.

“Бироқ айни пайтда Рустам Азимов ушбу масалани кейинчалик яна қайтадан муҳокама қилиш ёки қилмаслик бўйича ҳеч қандай изоҳ бермади”, – дейди Валерий Диль.

Хабарда таъкидланишича, бош вазир сўзларини тинглаган депутат Кенжабек Боқоев агар “Қирғизгаз” Россияга сотилмаган тақдирда вазиятнинг қандай бўлиши ҳақида мурожаат қилган. Боқоевнинг сўзларига кўра барибир вазият шундай бўлган бўларди.

“Бутун инқироз ҳам шу туфайлидир, сиз фақат бу ҳақда гапиришдан қўрқасиз”, – дея таъкидлаган Боқоев.

ЎХҲ ахборот бўлими