Қиримликлар: “Бизнинг пулларимиз қани Вова?”

Қиримликлар: “Бизнинг пулларимиз қани Вова?”
75 views
24 November 2014 - 20:14

2

Reuters ахборот агентлиги Қиримнинг Россия билан қўшилиши оқибатлари ҳақида қирим пойтахти Оқмасжид (Стмферопол)дан хабар берди. “Бизнинг пулларимиз қани?” (Where’s our money) сарлавҳали махсус репортажда агентлик қуйидагилар ҳақида сўз юритади:

“Минтақа пойтахтининг узлуксиз аҳоли оқими қўлларида банк ҳужжатлари билан юқори ҳукумат биносидан бошларини чайқаган ҳолда чиқиб келишмоқда”.

“Улар пулларимизни қайтариб беришмаяпди”, – дея шикоят қилади нафақага чиққан фабрика ишчиси 77 ёшли Маргарита Побудилова. У бир неча ойдир ўзининг меҳнат жамғармасидаги $3000 доллардан ортиқ пулга рухсат ололмаган.

3Россия Қора денгиз қирғоғидаги ушбу ярим оролни ишғол қилиб Украинадан тортиб олганидан 9 ой ўтиб молиявий оқибатлар юзага чиқа бошлади. Минглаб оддий одамларнинг ўз пулларини олишларига чеклов ўрнатилган ёки умуман рухсат берилмаяпти. Кредит сифатида Қиримга берилган миллиардлаб доллар миқдоридаги маблағлари қайтарилмагани сабабли Украина банкларининг зарари ортишда давом этмоқда. Банкларнинг адвокатлари улардан банк пуллари, бино ва ускуналарни мусодара қилган Россияга қарши судга даъво аризаси тайёрлашмоқда.

Ўз навбатида Қирим ҳам ўзига ҳос нотўғри бир технологик вақт гирдобида: Банкоматларнинг аксарияти Россияга тегишли бўлмаган банк карталарини қабул қилмайди; ҳорижий кредит карталари билан эса махсулот сотиб олишда фойдаланиш мумкин эмас. Маҳаллий уяли алоқа воситалари сигнал қабул қилмайди. Уяли алоқа воситалари сигнал қабул қила олган тақдирда ҳам қиримликлар ўзаро алоқа қила олишмайди: Украина алоқа хизматлари уларни узиб қўйганликлари туфайли ярим орол аҳолиси уяли телефонларига янги рақамлар олишлари лозим бўлади.

Банк ва телефон алоқаси борасида юзага келган хаос россия-украина урушидаги яна бир фронт ҳисобланади.

60 йил давомида Украинанинг бир бўлаги бўлган Қиримга Россия ўзининг мавжуд банк тизимини олиб кирди. Айни пайтда Украина банкларини ёпилишга мажбур қилди, минтақанинг чакана банк тизимини алмаштириб украина валютасини таъқиқлади. Юзага келган иқтисодий тебраниш натижасида корхоналар ёпилди ва ўз пулларини қайтариб олишда рус бюрократияси билан қаршилашган минглаб одамларнинг ҳаёти қийинлашди. Путин ишғоли минтақада хаос яратди…

Халқаро ҳамжамият Россиянинг Қиримни ишғол қилишини қоралади, Америка ва Оврўпа Иттифоқи Россия жисмоний шахслари, компаниялари ва банкларига нисбатан иқтисодий санкциялар жорий қилди”.

Қайд этиш жоизки, Reuters агентлигининг рус дунёси қилмишлари борасидаги мазкур репортажи халқаро жамоатчиликда катта қизиқиш уйғотди. Жумладан уни Руминияда чиқадиган Curierul National газетаси румин тилидаги таржимасини ҳамда Покистонда инглиз тилида чиқадиган Daily Times газетаси ҳам матнни тўлиқ равишда кўчириб босишди.

ЎХҲ ахборот бўлими