Қозоғистон Россияга электр энергияси етказиб беришни тўхтатди

Қозоғистон Россияга электр энергияси етказиб беришни тўхтатди
20 views
27 November 2014 - 18:03

3Жорий йилнинг 24 ноябридан бошлаб рубль курсининг тушиб кетгани сабабли Қозоғистон Россияга электр энергияси етказиб беришни тўхтатди. Бу ҳақда “Самрук-Энерго” бошқарув раиси Алмасадан Саткалиев маълум қилди, деб хабар берди CA-News.

“Биз рублнинг қадрсизланиб кетиши туфайли 24 ноябрдан бошлаб электр энергияси етказиб беришни тўхтатдик. Бу бизнинг станцияларимиз фйдасиз бўлиб қолди. Ушбу бозорни қўлдан бой берганимиз биз учун жиддий йўқотишдир”, – дейди Саткалиев Қозоғистон Республикаси Президенти қошидаги Марказий коммуникация Хизматида бўлиб ўтган брифингда.

Кўмир экспорти масаласига ҳам тўхталиб ўтган Саткалиев, Россияга кўмир етказиб бериш 2013 йилда ва жорий йилнинг ўрталарига қадар ички бозор нархидан юқори бўлган нархларда тузилган шартномалар асосида амалга оширилганини таъкидлади.

Эндиликда, дея қайд қилади Саткалиев, компания бир қатор сабаблар туфайли нархни шакллантириш билан боғлиқ жиддий муаммоларга дуч келмоқда.

“Биринчиси – бу россия иқтисодиёти бизнинг кўмиримизни юқори нархларда сотиб олишга тайёр эмас. Россияда бизнинг кўмиримизнинг ўрнини қоплаш бўйича давлат дастури амалга оширилмоқда. Бу омилни ҳам ҳисобга олиш керак. Россияга кўмир етказиб беришдаги нарх сиёсати долзарб аҳамият касб этиб бормоқда. Иккинчи сабаби – рублнинг қадрсизланиб боришидир. Шартномалар рублда тузилади ва ўз-ўзидан диққат марказимиз зарарсиз ҳолда махсулотимизнинг нархини шакллантиришга қаратилади”, – дейди “Самрук-Энерго” раҳбари.

Айни пайтда Россияда кўмир станцияларининг қозоқ кўмиридан Кузбасс (Кузнецк кўмир бассейни) кўмирига ўтиши бўйича давлат дастури амалга оширилаётгани туфайли Қозоғистон ўз кўмирини сотиш учун муқобил бозорларни изламоқда. Бунга таклиф сифатида кўмирнинг ички истеъмолини ошириш ҳам илгари сурилган.

“Коммерсантъ” газетаси маълумотларига кўра, 2013 йилда Россия Қозоғистондан 3,9 миллиард киловатт электр энергияси импорт қилган.

ЎХҲ ахборот бўлими