Ол байроғи бўлмаса

Ол байроғи бўлмаса
4 views
25 August 2016 - 8:00

unnamed (12)Бек Мурод

Йиллар азоби

Тўқсонинчи йиллар шеърияти

Ол байроғи бўлмаса              

Сирингни саришта этмас ҳар киши,
Юрагида ишқнинг ғами бўлмаса.
Ишқсиз юракларнинг бўлмас ташвиши,
Ошиқни борлама, доғи бўлмаса.

Ҳар бахшини доно билиб, тинглама,
Ҳар орифни Фироғийга тенглама,
Ёмон тилдан ҳазар этгил, англама,
Боғбон эмас, дилда боғи бўлмаса.

Ҳар кимса ҳам айтган сўзин, сўз деяр,
Ҳар боғбон ҳам боқчасини, боғ деяр,
Боғдан боғ ҳам, сўздан сўз ҳам фарқланар,
Бургут – зоғдир, баланд тоғи бўлмаса.

Мурод, билсанг, мардга қишлар ҳам баҳор,
Номардларга Муҳаммаднинг кўнгли тор,
Абдулланинг кўчасида нима бор?
Алишердек, ол байроғи бўлмаса.

* * *

(давоми бор)