Мунда навбат сурса золим

Мунда навбат сурса золим
79 views
25 October 2016 - 13:03

МАХДУМҚУЛИ

Биринчи китоб

Рафторидир

Йигит кўнглин шайдо қилган,
Отнинг кўрки, рафторидир.
Эл-улусни кўкартирган –
Мардонларнинг гуфторидир.

Ўнга боқиб, изинг кўзла,
Хуш сўзинг де, қаҳринг гизла,
Сўзлай олсанг, сайлаб сўзла,
Халқ ёмоннинг безоридир.

Дам ғанимат, умр қолмас,
Ажал етса, чора бўлмас,
Не келарин одам билмас,
Барчаси Ҳақнинг коридир.

Ўтар даврон, бермас солим,
Ҳар кимга ҳам этмас чолим,
Мунда навбат сурса золим,
Эрта Ҳақ ғариб ёридир.

Ўз эркимда сўз демасман,
Рисқ Ўзидан – ғам емасман,
Жаҳонда ҳар ишдан ёмон,
Бир мўминнинг озоридир.

Англамас онгга келмаса,
Сирлашарга ёр бўлмаса,
Эл-кунда қодир бўлмаса,
Сўз ҳам не дардга доридир.

Махдумқули, сен дамба-дам,
Охират сари ур қадам,
Яхши-ёмон барча одам,
Ажалнинг гирифторидир.

*****

(давоми бор)

Туркманчадан Мақсуд Қурбон ўзбекчалаштирди