Йўл йўқотиб, топдим, сени

Йўл йўқотиб, топдим, сени
99 views
04 November 2016 - 5:00

Бек Мурод

Йиллар азоби

Тўқсонинчи йиллар шеърияти

Гулзорга ўхшайди

Йўл йўқотиб, топдим, сени –
Ёноғингда бағрим қони,
Кўзларингда қадр туни,
Рангинг гулзорга ўхшайди.

Кўз ёшларинг оби-зилол,
Лабларингда оби раҳмат,
Овозингда, куйлар Билол,
Булбул зорига ўхшайди.

Сочларингда қорайган тун –
Баҳор, ёзларни қишлайди.
Ҳар субҳидам туярман, ун,
Дутор торига ўхшайди.

Кашф айладинг, менга мени,
Мен ўзимни топдим, у кун.
Сасимга жой қилай, сени,
Жаннат норига ўхшайди.

* * *

(давоми бор)