Номуссиз эл – қўрғонсиз қалъа

Номуссиз эл – қўрғонсиз қалъа
103 views
10 November 2016 - 5:00

Бек Мурод

Йиллар азоби

Тўқсонинчи йиллар шеърияти

Охират мусобақаси

Ёт юртларда кўп юрдим кезиб,
Ватанни ҳам ораладим, хўп.
Ҳар жойда ҳам олчоқ роҳатда,
Яхшиларга тинч йўқ, талатўп.

Номуссиз эл – қўрғонсиз қалъа,
Ола қарар ҳар ўтган дайди.
Замонларни бўйлаган дунё,
Ёмонга эш бўлиб, кексайди.

Чекинмайди, эзгулик ҳам ҳеч,
Таслим бўлмас яхшилик мудом.
Яралганда, шундай яралган,
Зиё дарё бўлса, зулмат ком.

Бу охират мусобақаси,
Сўнгигача этади давом.
Ким ўйинда содиқ фуқаро,
Ким бу йўлда бўлади авом.

Ўз ролини ўйнайди ҳар ким,
Ҳаёт ҳеч-да, бўлолмас тўкис.
Умрларни безамоқ учун,
Аслида бу ҳаёт нотекис…

* * *

(давоми бор)