Прокуратура пахта теримида давлатнинг ўзи мажбурий меҳнат ташкилотчиси эканини тасдиқлади

Прокуратура пахта теримида давлатнинг ўзи мажбурий меҳнат ташкилотчиси эканини тасдиқлади
57 views
23 November 2016 - 14:46

Туман прокурори Д. Маҳмудов педагоглар ва медикларнинг пахта даласига Вазирлар Маҳкамаси қарорига асосан чиқарилганини билдирди

Ҳуқуқ ҳимоячиси Елена Урлаеванинг аризасига Чиноз Туман прокурори Д. Маҳмудов томонидан берилган жавобда таълим ва тиббиёт ходимлари пахта даласига айнан Вазирлар Маҳкамаси қарорига кўра жалб этилгани айтилади.

2016 йилги пахта теримида медиклар ва педагогларнинг мажбурий меҳнатидан фойдаланилгани юзасидан фактларни йиғган Ўзбекистон Ҳуқуқ ҳимоячилари Альяси етакчиси Елена Урлаева бу юзадан тегишли идораларга мурожаат қилган, бироқ фақат икки туман прокуруроридан аризасига жавоб хати олган.

Чиноз тумани прокурорининг жавоби

«Туман ҳокимлигидаги мансабдор шахслар томонидан медиклар ва педагогларни мажбурий меҳнатга жалб қилиниши юзасидан» Елена Урлаеванинг аризасини ўрганган Чиноз туман прокурори вазифасини ўтовчи Д.Р. Маҳмудов ҳуқуқ ҳимоячисида жавоб хати йўллаган.

Бунда у, педагоглар ва медиклар «Ўзбекистон Республикаси Вазирлар Маҳкамасининг «Пахта ҳосилини ташаббускорлик билан нобуд қилмасдан териб олиш ҳақидаги» 20.07.2016 йил қарорига кўра пахта теримига жалб қилинишганини билдирган.

pohren2
Бўка туман прокурори жавоби

Ҳуқуқ ҳимоячисининг айни мазмундаги аризасига жавоб берган Бўка туман Прокурори Катта адлия маслаҳатчиси О.Х. Набиев эса, мажбурий терим сабабларини аниқлашни ҳам ўзига эп кўрмаган.

«Сизнинг умумтаълим мактаблари педагогларини пахта теримизга мажбурий жалб қилиш, ёки улардан пул маблағлари олиш, шунингдек, қатор мактаб директорларининг ноқонуний ишдан бўшатилгани ва Халқ таълими бўлими мудири вазифасини ўтовчи М. Азимовнинг порахўрлиги ҳақидаги аризангиздаги даъволар ўз тасдиғири топмади», дейилади навбатдаги мактубда“.

pohren1

Вазирлар маҳкамасига ким чора кўради?

Елена Урлаева Республика Вазирлар Маҳкамасининг қарорини Бош Вазир Шавкат Мирзиёевнинг ўзи имзолаган бўлиши ва оммавий мажбурий меҳнатни ишдан бўш вақтлардаги ихтиёрий, кўнгилли меҳнат тарзида кўрсатиш мақсадида, жамоатчиликдан, Жаҳон банкидан, ХМТ ва сир сақланаётган бўлиши мумкинлигини айтади.

Айни пайтда Ҳуқуқ ҳимоячиси ўз аризасига Чиноз прокурори ҳаққоний жавоб бергани ва шу ўринда пахта теримига оид давлат сирини ҳам фош қилганини эътироф этади.

Елена Урлаева шунингдек унинг ташкилоти Вазирлар Маҳкамасининг ноқонуний қарори юзасидан чора кўриш юзасидан Бош прокурорга мурожаат қилишини билдирган.

Пахта теримига бўлган Ўзбекистон тактикаси халқаро миқёсда қандай ўзгарди

Яқин кунларгача Ўзбекистон ҳукумати давлат идоралари хизматчиларининг ҳар йили пахтага жалб қилинишини қатъий инкор қилиб келишган. 2012 йили болаларни пахта теримига жалб қилмаслик ҳақида сиёсий қарорга келинди, бироқ бу турли муассаса ходимларини мажбурий сафарбар қилиш орқали амалга оширилди.

Ўзбек мулозимлари, оммавий сафарбарликнинг асосий ташкилотчиси давлат эканини инкор этиб келишади. Расмий версияга кўра, пахтани хусусий ишлаб чиқарувчилар бўлган фермерлар ишлаб чиқаради ва уларнинг ўзлари теримчиларни далага жалб этишади.

Энди эса, ҳукумат минглаб ўқитувчилар, талабалар, банк ходимлари, акушерлар ва бошқа касб эгалари пахта теримига кўнгилли тарзда, қўшимча пул топиш учун боришаётганини уқдиришмоқда. Бу йил ҳукумат терилган бир кг пахта учун 260-270 сўмдан ҳақ тўлаган.

Манба: Eltuz.com