Ташвишларда йўқ баҳор ва қиш

Ташвишларда йўқ баҳор ва қиш
126 views
07 December 2016 - 5:00

Комил Ўтар

ХАЁЛ ЕТМАС МАНЗИЛЛАР
(20)

Ташвиш

Бизни яхши кўради ташвиш –
Олмани хуш кўрган ҳар қуртдек.
Ташвишларда йўқ баҳор ва қиш,
Ортимиздан қолмайди, итдек.

Илон бўлиб, ўтиб хашакдан,
Пўст ташласак, ташвишлар, қолмас.
Пўстин қавир, муаммолардан,
Илон ўлар, ташвишлар, ўлмас.

* * *

Харид

Кўзёшлардан тангалар, ясаб,
Харид қилсак, чиқар муаммо.
Харидимиз, силаб-сийпалаб,
Ибомизни ҳайдар, мудамо.

Сотиб олганларимиз, бизни,
Бозорига солади, мағрур.
Қайтиб, ол деб қистаймиз, кўзни,
Эрксизликнинг дунёси тахир…

* * *

(давоми бор)