Санъатга айланди, ҳийла ва фитна

Санъатга айланди, ҳийла ва фитна
201 views
21 January 2017 - 7:00

Бек Мурод

Йиллар азоби

Тўқсонинчи йиллар шеърияти

Амал бўлмади

Санъатга айланди, ҳийла ва фитна,
Тўғрига дунёда камол бўлмади.
Ёмонлар измига ўтди хазина,
Муҳаммад сўзига амал бўлмади.

Адолат этмади халқига султон,
Имомлар тўқиди меҳробда ёлғон,
Муфтининг кўзлари боқади мастон,
Қуръоннинг ҳукмига таъмал бўлмади.

Мулло билан эшон олди дунёни,
Тўрт кўз билан кўзлар алар тиллони,
Ҳазм қилолмайди, ўқиб Қуръонни,
Жоҳил бўлди, эллар комил бўлмади.

Туни кеча коммунистга қўл берган,
Саид бўлиб бошда дастор, топарман,
Даҳрийларнинг бугун боғи напармон,
Орифларга яна омил бўлмади.

Туркистоннинг яна чопмади дови,
Мунофиқнинг тағин юришди ови,
Мазлумларнинг ёнмас кўзда олови,
Уч юз йилда битта Шомил бўлмади.

Мурод, куйиб, юрагингни доғ этма,
Кулар душман, димоғини чоқ этма,
Гўлни мақтаб, чўлларини боғ этма,
Уларга ҳам рости, иқбол бўлмади.

* * *

(давоми бор)