Миллат қонлар қусди

Миллат қонлар қусди
165 views
24 January 2017 - 7:00

Бек Мурод

Йиллар азоби

Тўқсонинчи йиллар шеърияти

Динга хуруж бўлди…

Динга хуруж бўлди, жон танда толон,
Миллат қонлар қусди, ичидан нолон,
Мўрмалахдек босди, ишқ боғин ёлғон,
Дарёлар тортилиб, жумбушга келди.

Тутнинг кавагидек, ўртанар жигар,
Кўпдан ташламайди ой нури гавҳар,
Қуёшнинг нурлари сочади заҳар,
Маънавий нурашлар, турмушга келди.

Миллатнинг бирикмас бир ерда боши,
Хорижда мардикор, қариси, ёши,
Ҳар куни келади, тобути, лоши,
Донолар камайиб, ҳуш тушга келди.

Топтадилар, табиатни беаёв,
Қанот боғлаб учган хаёллар яёв,
Бу элларга керак эмас ортиқ ёв,
Ота билан ўғил, жиқ-муштга келди.

Мурод, Аллоҳдандир, балки бу фармон,
Бўлмаса, ношудлар, бунчалар кордон,
Миллатнинг устида тўрт юз йил нодон,
Шердек, наъра тортиб, хуружга келди.

* * *

(давоми бор)