Бузулмасин, эрнинг юрак қўрғони…

Бузулмасин, эрнинг юрак қўрғони…
61 views
09 February 2017 - 6:00

Бек Мурод

Йиллар азоби
Тўқсонинчи йиллар шеърияти

Қалбидан ўчмасин… 

Қалбидан ўчмасин, элнинг достони,
Ёдидан айрилган эллар, қул бўлар.
Бузулмасин, эрнинг юрак қўрғони,
Шижоат овланса, қизлар тул бўлар.

Анжуманда султон тушса, рақсга,
Жин-ажина кирар, гулдурос қарсга,
Юрт куни қолмасин, сур билан қўрсга,
Амал тегса қўрсга, ҳаёт терс бўлар.

Йигитнинг бўлмаса, асли нишони,
Излар ихлос билан шуҳрат ва шонни,
Ёнига тортади, пирсиз эшонни,
Қурийди дарёлар, боғлар чўл бўлар.

Қустириб, элларга йиринг билан қон,
Олдига ёздирган сархил дастурхон,
Зотини сўрсангиз, у думсиз шайтон,
Ёмон от қозонар, яхши кул бўлар.

Тўрт кунлик диёрда ғафлатга ботма,
Мурод, мол, дунё деб, имонинг сотма,
Еб-ичиб, сояда, мурдадек ётма,
Ҳунарлилар унар, эпсиз қул бўлар.

* * *

(давоми бор)