“Эрк” қўшиғи

“Эрк” қўшиғи
24 views
14 June 2017 - 8:00

Ислом Холбой

Йиллар азоби
Тўқсонинчи йиллар шеърияти

“Эрк” қўшиғи

Озод кунларини эслаб ҳар нафас,
Узун кечаларда, сайрайди бир қуш.
Унинг ўлкасига ҳукмрон  қафас,
Ўтказган дамлари бугун рўё, туш.

Миршаблар панжара, устунлар эгов,
Кўнгил фарёдлари бермайди садо.
Умидлар – супурги, армонлар – касов,
Хорликлар жонларни этади адо.

Ҳар кун бўй чўзади “Эрк” деган дарахт,
Япроқлари девор оша билмаслар.
Таланган хаёллар мусофир, карахт,
Фикратлар сузилиб, уча билмаслар.

Панжарадан нари тўрт қават девор,
Баъзида тирқишдан сизар, нур иси.
Юракларни этиб, шундай умидвор,
Кирлаган тошларнинг ўзгармас туси.

Парчаланмайдими, зулм занжири?
Йиқилмасми, энди, ўлим қалъаси?
Ёнмасми, куймасми, зулмкор тузум,
Дунёни тутмасми, мазлум наъраси?!

* * *

(давоми бор)