Қиёфалар ўтар

Қиёфалар ўтар
23 views
17 August 2017 - 6:00

Ислом Холбой

Қиёфалар ўтар

Қора уйқу ичида, вужудлар ўлик –
Мурдаларнинг гирдида, кезади хуррак.
Ҳаёт чекинганида, ғофиллик тирик –
ҳушёрлик туғилмай ўлади, бешак.

Баҳайбат бир махлуқот қоринга чиқиб,
Эзғилайди, киндикни пошнаси билан.
Овқат тўла қорнига бошини тиқиб,
Хуррак отади, хўрда, кечаси билан.

Соат қўнғироқлари занг урар бедор,
Хуни гирён сайрайди, булбул чаманда.
Ҳушёрликнинг гарови ҳамиша, меъёр,
Меъёрсизлар бу йўлдан кечар, шарманда.

* * *

(“Хаёл етмас манзиллар”)