Баҳор шамоли

Баҳор шамоли
86 views
01 January 2018 - 13:15

 

Баҳор шамоли

 

Эсгин баҳор шамоли,
Гул қўндир ҳар бутоққа.
Бўй етган қизларни ҳам
Учир қўшни қишлоққа.

Эсгин баҳор шамоли,
Қушларни жўр сайратгин.
Йигитларнинг кўзини
Гулдан гулга сакратгин.

Эсгин баҳор шамоли,
Ошиб кел кўк, тоғлардан.
Боғларни ҳалос айла
Қарға, қузғун, зоғлардан.

Эсгин баҳор шамоли,
Сен – ҳар қандай дард дармони.
Баланд-баланд кўтаргин
Тунд, қоронғу осмонни.

Тўда, тўда қушларни
Элдан элга кўчиргин.
Қиш зулми ва қийноқни
Йўқ жойларга учиргин.

Қора қиш деб аталган
Тор, қоронғу қафасни
(Бунда ҳамма ҳаста, сил)
Синдир, парча-парча қил.

Эсгин баҳор шамоли,
Дармон келтир менга ҳам.
Билсанг, хаста кўнглимда
Роҳат деган туйғу кам.

Эсгин баҳор шамоли…

“Дала гуллари” китобидан
Раҳимжон Раҳмат