Ёмғирлар сизни эслатар

Ёмғирлар сизни эслатар
28 views
23 February 2018 - 9:00

 

ЁМҒИРЛАР СИЗНИ ЭСЛАТАР
(Устоз Матназар Абдулҳакимга)

Одамлар ўзгарди, ўзгарди замон,
Шеърият беради янгидан дарак.
Дарахтлар алмашди қанча япроғин,
Сизни алмашмади ҳеч қайси юрак.

«Хоразм қазилди», замин гуллади,
Дарёлар, дунёлар чиқди устига.
Қўлларга сўзкурак бердингиз ва лек,
Ўзингиз қайтдингиз кўкнинг кўксига.

Фасллар алмашди, алмашди ойлар,
Ҳамон янграмоқда қушларнинг куйи.
Яна баҳор қайтди, исмингиз айтиб
«Ёмғир юриб чиқди томда тун бўйи…»*

*устоз сатрлари
2017

Отабек Сафар

facebook.com