Қарға

Қарға
31 views
22 March 2018 - 5:00

Матназар АБДУЛҲАКИМ

ТАНЛАНГАН АСАРЛАР
1 – жилд

“ОЙДИНЛИК” КИТОБИДАН

ФАХРИЯ

На-да мағрур қилди ва на-да маҳзун
Кимдандир қолганим, кимдан ўзганим.
Ўзимни ер билдим ҳамиша,
Шер билдим ҳамиша ўзгани.

Умрим ўтаётир… эзгулик
Юрагимнинг тенгсиз мулки бўлиб…
Лекин… алам қилар шер деганларим
Чиқиб қолса ногоҳ тулки бўлиб.

 * * * 

ҚАРҒА

Булбуллар кетгандир бу гўзал ердан,
Гўё бу боғ, гўё бу гуллари йўқ
Бўстонда дард билмай яшайди қарға,
Осонлари йўқдир, мушкуллари йўқ.

Нолалар чекмайди, фиғон тортмайди
Ўқрайиб-ўқрайиб қағиллар гулга…
Заҳарлаб навқирон меросхўрларни,
Шум кампир эгалик қилмоқда мулкка.

 

(давоми бор)