Ҳар бир кечган лаҳзанг ҳаётбахш бўлсин

Ҳар бир кечган лаҳзанг ҳаётбахш бўлсин
23 views
01 April 2018 - 6:00

Матназар АБДУЛҲАКИМ

ТАНЛАНГАН АСАРЛАР
1 – жилд

“ОЙДИНЛИК” КИТОБИДАН

ЛАПАНГЛАГИЧ

Ҳар бир инсон менинг тасаввуримда
лапанглагич бўлиб туюлар гоҳи.
Унинг бир ёғида ўзи ўтирар,
нарёғида эса—димоғи.

* * *

Табиат, мен сени севаман,
Тилайман мангу бир омонлик.
Сенда — яхшиликка яхшилик мудом,
Сенда — ёмонликка ёмонлик.

Фақат эзгуликлар, фақат покликлар
Мангу бўстонингда ўса олади.
…Гулга ниш урмайди асалари ҳеч,
Асалари гулдан бўса олади.

* * *

Ассалому алайкум, мунисим Қоплон,
Қорни тўйса — байрам, қорни тўйса — ийдим.
Вовуллашни тўхтат, сабрда тоблан,
Ҳадеб итлигингга бораверма, итим.

Занжирингни ечай. Кета бер. Йўл ол.
Чорлаётган бўлса, майли, қай тараф.
Агар жуда зарур бўлса, тишлаб ол,
Лекин ҳураверма одамга қараб.

* * *

Ҳар бир кечган лаҳзанг ҳаётбахш бўлсин
Сен сўлма, заҳарли дарахтлар сўлсин.
Тўлар бўлса ногоҳ сабринг косаси,
Паймонанг тўлмасдан бурунроқ тўлсин.

(давоми бор)