Тун ташбеҳлари

Тун ташбеҳлари
44 views
04 April 2018 - 6:00

МАНСУР ШЕЪРЛАР

 

ТУН ТАШБЕҲЛАРИ

Тоғ лангар ташлаган баҳайбат кема мисол мувозанатда.
Арчаларнинг бадани салқиндан бодроқ оча бошлайди,
ниналари ўткирлашади.
Шундоқ ёнимда бир харсанг пўст ташлайди.
Чирилдоқнинг чириллаши ер остидан отилиб чиқаётган
ингичка фавворага ўхшайди.
Майса узра нимадир ялтирайди.
Уни олиш учун энгашаётиб, бу кўкдан учган юлдузми, кўз
ёшми, ёнар қуртми – билмайман.

1982

 

(167)

Муҳаммад Солиҳнинг 2013 йилда Истанбулда чоп этилган “Вал-Фажр” китобидан. (108-саҳифа.)

(давоми бор)